Siciliya adasının sahillərində iki ton kokain tapılıb

İtaliyanın cənubundakı Siciliya adasının sahillərində bir-birinə bağlanmış bağlamalarda üzən iki ton kokain tapılıb.

Sonxeber.az BBC-yə istinadən xəbər verir ki, bu məbləğ İtaliya polisi tərəfindən bir anda ələ keçirilən ən yüksək miqdarda narkotik maddələr arasındadır. Məlumat verilib ki, torlarla bir-birinə bərkidilmiş 70-ə yaxın bağlamada 2 ton narkotik vasitə olub. Batmaması üçün xüsusi olaraq bükülmüş və müvafiq şəxs üçün işıq cihazı quraşdırılmış bu üzən bağlamalar Siciliyanın şərqində tapılıb. Mütəxəssislərin fikrincə bu üsul narkotik yükünün limana gətirilməsindən daha ucuz və təhlükəsizdir. Çünki bu yolla limanda rüşvətxorluğun qarşısı alınır və yaxalanma riski azalır.

Müsadirə edilən narkotiklərin bazar dəyəri 400 milyon avro (8,5 milyard TL) olaraq hesablanıb. Paketlərin yük gəmisi tərəfindən gətirildiyi və daha sonra toplamaq üçün dənizə buraxıldığı güman edilir.

Telegramda izləyin