"Laçın yolunun üzərində sərhəd postunun qurulmasının başqa yerə yozulması radikal müxalifətin növbəti siyasi qısqanclığıdır" - DEPUTAT

"Bu gün radikal müxalifət havadarlarının sifarişini icra edir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, Azərbaycan hər hansı uğura imza atarsa daxilimizdə olan sapı özümüzdən olan baltalar da aktivləşir:

"İsa Qəmbərin oğlu İlkin Qəmbərin "erməni soyqırımı" ilə bağlı tviterdəki paylaşımı da bizi təəccübləndirmədi:

"Eləcə də radikal müxalifətin Laçın yolunun üzərində sərhəd postunun qurulmasını başqa yerə yozması da onların növbəti siyasi qısqanclığıdır. 5-10 manata vətənini satmağa hazır olan radikal müxalifət oyunlarla dövlətimizin uğurlarına kölgə salmağa çalışırlar. Onlar Laçın yolu üzərində qurulan postla bağlı verdikləri bəyanatları ilə dövlətə və xalqı qarşı müxalif olduqlarını bir daha sübutb etmiş oldular. Qarabağın işğaldan azad olunması onların planında yox idi. Fikir verdinizsə 44 günlük Vətən müharibəsi dövründə onlar ordumuzun uğurlarına sevinmir, sanki düşmən tərəfinin itkilərinə yas saxlayırdılar. Bu da normaldır. Çünki onlar ölkəmizə qarşı apardıqları qarayaxma kompaniyasının sifarişini məhz Ermənistandan və onun havadarlarında alırlar".

Deputat qeyd edib ki, bu gün artıq xalqımız da kimin düz, kimin yalan danışdığını yaxşı anlayır:

"Bu gün Azərbaycan 90-cı illərin əvvəllərindəki kimi sahibsiz və gücsüz deyil. Bu gün ölkəmizin adını tarixə qızıl həriflərlə yazdıran cənab İlham Əliyev kimi güclü lideri var. Xalq olaraq 23 aprel 2023-cü ili hələ uzun illər bayram kimi qeyd edəcəyik. Bu xalqımız üçün tarixi bayramdır. Çünki 1988-ci ildən sonra dövlət sərhədlərimizi nəzarət altına aldıq. Bu xalqımızın tarixi bir qələbəsidir. Əlbəttə bütün bunlar cənab prezident İlham Əliyevin apardığı siyasətin məntiqi nəticəsidir".

Aysel Yusifqızı

Telegramda izləyin