"Uzun illərdən sonra dövlət sərhədlərimizi nəzarət altına almağımız növbəti hədəfimizə çatmağımız deməkdir" - DEPUTAT

"Laçın yolunun üzərində sərhəd postunun qurulmasının başqa yerə yozulması radikal müxalifətin növbəti siyasi şousudur".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, illərdir ki, radikal müxalifət havadarlarının sifarişi ilə ölkəmizin uğurlarına kölgə salmağa çalışır:

"Laçın-Xankəndi yolunda Dövlət Sərhəd Xidmətinin nəzarət-buraxılış məntəqəsənin qurulmasını da alıdqları sifariş əsasında başqa istiqamətə yönəltmələri də onların vətənimizə və xalqımıza qarşı növbəti xəyanətdir. Bu adım ölkəmizin suveren hüququ və suverenliyinin növbəti təsdiqidir. Lakin ölkə daxilindəki sapı özümüzdən olan baltalar bunu tarixi qələbəmizə kölgə salmağa çalışırlar. Amma bacarmayacaqlar. Çünki artıq xalqımız onların yalanlarına inanmır və əsil məqsədlərindən xəbərdardır".

Deputat vurğulayıb ki, Laçın-Xankəndi yolunda post qurulması bizim növbəti hədəfimizə çatmağımızdır:

"Uzun illərdən sonra dövlət sərhədlərimizi nəzarət altına aldıq. Bu xalqımızın illərdir gözlədiyi tarixi qələbədir. Artıq Qarabağ torpaqları işğaldan azad olunub və Azərbaycan sərhədlərini tam nəzarət edir. Laçın-Xankəndi yolunda post qurulması Ermənistanı sülh danışıqlarına getməyə vadar etməklə yanaşı, Qarabağdakı erməni terrorçularının təxribatlarının və onların rahat şəkildə silahlanmasının da qarşısını alacaq.

1988-ci ildən sonra dövlət sərhədlərimizi nəzarət altına almağımız cənab prezident İlham Əliyevin mərhələli şəkildə həyata keçirdiyi uğurlu daxili və xarici siyasətinin nəticəsidir. İnanıram ki, cənab prezident İlham Əliyevlə xalq və ölkə olaraq bütün hədəflərimizə çatacağıq".

Aysel Yusifqızı

Telegramda izləyin