Azərbaycan Texniki Universitetinin tələbəsi dəhşətli yol-nəqliyyat hadisəsində vəfat etdi - YENİLƏNİB

Bakıda baş verən ağır yol-nəqliyyat hadisəsi nəticəsində vəfat edən gənc Azərbaycan Texniki Universitetinin tələbəsi olub.

Bu barədə "Azərbaycan Universitetləri" "Facebook" səhifəsində məlumat paylaşılıb.

Bildirilib ki, Universitetin Energetika fakültəsinin IV kurs tələbəsi Pərvin Cəfərov ötən gecə Bakıda baş verən faciəvi qəzada həyatını itirib.

10:20

Bakıda ağır yol-nəqliyyat hadisəsi baş verib.

APA xəbər verir ki, Atakişiyev Hümmət Baba oğlunun idarə etdiyi "Lada Priora" markalı avtomobil Nəsimi rayonu Ceyhun Səlimov küçəsi ilə A.Salamzadə küçələrinin kəsişməsində İsmayılov Hüseyn Əli oğlunun idarə etdiyi "KamAZ" markalı avtomobillə toqquşub.

Nəticədə "Lada Priora" markalı avtomobildə olan 2002-ci təvəllüdlü sərnişin Cəfərov Pərvin Pərviz oğlu ölüb. Avtomobildəki digər sərnişinlər - Sadıqov Elmin İlham oğlu və Heydərli Fərid Xaliq oğlu müxtəlif dərəcəli bədən xəsarətləri alıblar.

Faktla bağlı cinayət işi açılıb, araşdırma aparılır.

Telegramda izləyin