Yaponiyada çay bəndi uçub, evləri və avtomobilləri su basıb

Yaponiyada yağan leysan yağışların təsiri nəticəsində Hyoqo prefekturasında çayın sahilindəki bənd çöküb. Sel nəticəsində evləri su basıb, bəzi avtomobillər isə palçıq altında qalıb.

Sonxeber.az xəbər verir ki, şəhər administrasiyasından əldə edilən məlumata görə Tenjin çayının sahilində yerləşən və üzərində bir müddətdir bərkitmə işləri aparılan bənd suyun səviyyəsinin gecə yarısından dərhal sonra qalxmasından sonra uçub. Hadisədən sonra çayın yaxınlığındakı Aramaki bölgəsində sel baş verib, 10-a yaxın ev və çoxlu avtomobillər su altında qalıb. Yerli vaxtla saat 01:55 radələrində 828 evdə 2088 nəfərə təxliyə xəbərdarlığı edilib. Təxminən 3 saat sonra çayda suyun səviyyəsi normallaşdığı üçün təxliyə xəbərdarlığı ləğv edilib.

Çay sularının daşıdığı çöküntü və qaya parçaları səbəbindən bəzi nəqliyyat vasitələri də torpağa basdırılıb. İlkin məlumata görə, insident zamanı xəsarət alan və ölən olmayıb.

Telegramda izləyin