Hollandiyalı 101 yaşında dünyasını dəyişən atasının cəsədini 1,5 il dondurucuda gizlədib

Hollandiyanın cənubundakı Landqraaf qəsəbəsindəki evdə uzun müddətdir soyuducuda saxlanılan kişi meyiti tapılıb.

Sonxeber.az xəbər verir ki, evin sahibi 82 yaşlı hollandiyalı cəsədin 1,5 il əvvəl 101 yaşında dünyasını dəyişən atasına aid olduğunu bildirib.

Hollandiyalı atasının yoxluğuna dözə bilmədiyi üçün onu soyuducuya qoyduğunu və onun üçün darıxacağını bildirib.

Polis bunun pensiya dələduzluğu olub-olmadığını araşdırır. Almaniya ilə sərhəddə yerləşən Landqraafda baş verən hadisə ailə həkiminin uzun müddətdir xəbər tutmadığı yaşlı xəstəsindən şikayət etməsindən sonra üzə çıxıb.

Hollandiyalı həkim xəstəsinin səhhətindən narahat olduğunu bildirib və polisə müraciət edib. Ailə həkiminin verdiyi ünvana gedən polis qrupu yaşlı kişinin cəsədini soyuducuda aşkar edib.

Meyitin tapıldığı evin mərhumun 82 yaşlı oğluna məxsus olduğu müəyyən edilib. 1997-ci ildə həyat yoldaşını itirən 82 yaşlı kişinin uzun müddət atası ilə yaşadığı bildirilib.

Polisdən verilən məlumata görə təbii yolla öldüyü müəyyən edilən qocanın cəsədi uzun müddət soyuducuda saxlanılıb. Yerli mətbuatın məlumatına görə, polis tərəfindən sorğu-sual edilən 82 yaşlı hollandiyalı atasının 1,5 il əvvəl 101 yaşında dünyasını dəyişdiyini bildirib.

82 yaşlı kişi uzun illər birlikdə yaşadığı atasını hələ də onunla danışa bilsin deyə dondurucuya qoyduğunu deyib.

Telegramda izləyin