Polşaya keçən ukraynalı qaçqınların sayı 12 milyona yaxınlaşır

Ukraynadan Polşaya daxil olan qaçqınların sayı təxminən 12 milyon olduğu halda, ölkəni tərk edənlərin sayı 10 milyonu keçib.

Sonxeber.az xəbər verir ki, Polşa Sərhəd Mühafizəsinin Twitter hesabında edilən paylaşımda Ukrayna-Rusiya müharibəsi başlayandan bu yana intensiv miqrasiyanın olduğu xatırladılıb.

Polşanı tərk edən ukraynalıların ümumi sayının 10 milyon 119 min nəfər olduğu qeyd edilib.

Polşanın Avropa İttifaqı (Aİ) yanında daimi nümayəndəliyinin paylaşdığı məlumata görə, Ukraynadan Polşaya keçənlərin 80 faizindən çoxu qadın və uşaqlardır.

Polşa İqtisadiyyat İnstitutunun mayın 12-də açıqladığı hesabata əsasən, hazırda Polşada qeydiyyatda olan 1 milyondan çox ukraynalı yaşayır.

Ukraynalıların 80 faizi Polşa cəmiyyətinin onlara müsbət münasibət bəslədiyini düşünür, lakin polyakların qaçqınların vəziyyəti ilə bağlı fikirləri fərqlidir. Ukraynalı qaçqınların köməyə ehtiyacı olduğuna inananların nisbəti müharibə başlayandan bəri 84 faizdən 50 faizə düşüb.

Polşadakı ukraynalıların 74 faizi ölkələrinə qayıtmağı planlaşdırır.

Telegramda izləyin