"Gecə-gündüz dua edirəm ki, cənab Ərdoğan qələbə çalsın" - Rüfət Quliyev - VİDEOMÜSAHİBƏ

"Gecə-gündüz dua edirəm ki, cənab Ərdoğan qələbə çalsın. Türkiyə xalqı seçimi düzgün edəcək. Mən qardaş ölkənin seçkisinə müdaxilə edə bilmərəm, amma Azərbaycan üçün də, Türkiyə üçün Ərdoğanın seçilməsi vacibdir. Bizi Ərdoğan kimi istəyən lider olmayacaq".

Bu sözləri Milli Məclisin deputatı Rüfəq Quliyev Sonxeber.az-a müsahibəsində deyib.

O qeyd edib ki, Ərdoğan Türkiyənin hərbi sənayesini inkişaf etdirib:

"Son 20 ildə cənab Ərdoğan böyük işlər gördü. O, Türkiyə bayrağını ucalara qaldırdı. Dünyada hərbi-sursat istehsal edən 5 ölkə varsa, biri Türkiyədir. "Bayraktar"ı 20 ölkə alır".

Deputat bildirib ki, Kılıçdaroğlu birinci turda çatmayan səsləri qazanmaq üçün öz ritorikasını dəyişərək Rusiya və Amerika ilə münasibətini yaxın etməyəcəyini deyib:

"Ərdoğanın Azərbaycana münasibətini bilirik.Bu, nağddır. Seçilsə, bundan da yaxşı olacaq. Kılıçdaroğlu öz istiqamətinə tərs getdi. Ərdoganın Rusiyaya yaxın olduğunu dedi. Bildirdi ki, o, prezident seçilsə, Rusiya və Amerika ilə münasibətləri bir o qədər də yaxşı etməyəcək. Ərdogan özü Amerikanın təsirini azaltdı. Kılıçdaroğlu ritorikanı ona görə dəyişdi ki, çatmayan 5-6 faizi öz tərəfinə keçirtsin. O, Roma papasından daha çox katolik olmaq istəyir. Qərb Ərdoğanı tənqid edirdi ki, nasionalistdir. İndi Kılıçdaroğlu Ərdoağandan daha nasionalist olmaq istəməsi gülüncdür".

Rüfət Quliyev Azərbaycanda azad sahibkarlığın və əmək haqqının vəziyyəti, Azərbaycan-Ermənistan münasibətləri ilə bağlı sualları cavablandırıb.

Şəbnəm Lətifi

Telegramda izləyin