Konfrans Liqası: "Neftçi" və "Sabah"ın potensial rəqibləri artdı - SİYAHI

"Neftçi" və "Sabah"ın UEFA Konfrans Liqasının (KL) II təsnifat mərhələsində potensial rəqibləri artıb.

Oxu.Az xəbər verir ki, səpələnməmişlər səbətində yer alacaq "Sabah"ın mümkün rəqibləri sırasına "Gent" (Belçika), APOEL (Nikosiya, Kipr), "Beşiktaş" (Türkiyə), "Riyeka" (Xorvatiya) və "Styaua" (Rumıniya) əlavə olunublar.

Püşkdə səpələnmişlərdə yer alacaq "Neftçi"nin isə daha 3 mümkün rəqibi müəyyənləşib. Bunlar "Keçkemet" (Macarıstan), "Boraç" (Bosniya və Herseqovina) və "Çelye"dir (Sloveniya).

Qeyd edək ki, iyunun 20-də I təsnifat mərhələsinin, bir gün sonra isə II raundun püşkü atılacaq. Azərbaycan klubları ilk oyunlarını iyulun 27-də, cavab matçlarını avqustun 3-də keçirəcəklər.

UEFA Konfrans Liqası
II təsnifat mərhələsi

Səpələnmişlər: "Brügge", "Gent" (hər ikisi Belçika), "Makkabi (Təl-Əviv), "Hapoel" (Beer-Şeva, hər ikisi israil), "Viktoriya" (Çexiya), "Budo-Qlimt" (Norveç), "Lex", "Legiya" (hər ikisi Polşa), "Yurqorden" (İsveç), APOEL (Nikosiya, Kipr), "Beşiktaş" (Türkiyə), "Riyeka" (Xorvatiya), "Styaua" (Rumıniya), "Rusenborq" (Norveç), "Spartak" (Trnava, Slovakiya), "KuPS" (Finlandiya), "Neftçi" (Azərbaycan)

Səpələnməmişlər: "Hammarbü" (İsveç), "Kalmar" (İsveç), "Kauno" (Litva), "Poqon" (Polşa), "Zalaeqerseq", Keçkemet (hər ikisi Macarıstan), "Boraç" (Bosniya və Herseqovina), "Sabah" (Azərbaycan), "Ordabasi", "Aktobe" (hər ikisi Qazaxıstan), "Çelye" (Sloveniya), "Auda" (Latviya)

Qeyri-müəyyənlər: "Osiyek" (Xorvatiya), "Aris" (Saloniki, Yunanıstan), "Voyvodina" (Serbiya)

Telegramda izləyin