Çin Ərdoğanı prezident seçilməsinə görə təbrik edib

Çin Xarici İşlər Nazirliyinin sözçüsü Mao Ninq Rəcəb Tayyib Ərdoğanı yenidən Türkiyə prezidenti seçilməsinə görə təbrik edib.

Sonxeber.az xəbər verir ki, bu barədə türk mətbuatı məlumat yayıb.
"Türkiyə prezidenti Ərdoğanı yenidən prezident seçilməsi münasibətilə təbrik edirik. Türkiyəni özünə uyğun inkişaf yolunda dəstəkləyirik.Ümid edirik ki, Türkiyə prezident Ərdoğanın rəhbərliyi altında öz inkişafında yeni uğurlar qazanacaq. Çin tərəfi Türkiyə ilə əlaqələrə böyük əhəmiyyət verir.İki ölkə liderlərinin rəhbərliyi ilə əlaqələrimiz iki ölkə xalqına müsbət töhfə verir. Çin tərəfi Türkiyə ilə strateji əlaqələri daha da inkişaf etdirməyə hazırdır" ,- deyə o vurğulayıb.

Qeyd edək ki, dünən keçirilən prezident seçkilərində Ərdoğan 52,14% səs toplayaraq qalib olub.

Şəbnəm Lətifi

Telegramda izləyin