Uşaqların Beynəlxalq Müdafiəsi günü 165 nömrəli bağçada belə qeyd olundu - VİDEO

Bu gün Uşaqların Beynəlxalq Müdafiəsi günüdür.

1950-ci il iyunun 1-də BMT Baş Assambleyasının təşkilatçılığı ilə keçirilən qadınların beynəlxalq konfransında iyunun 1-ni uşaqların müdafiəsinə həsr etmək qərara alınıb. Bundan sonra həmin gün uşaqların beynəlxalq müdafiəsi günü kimi tarixə düşüb.

Ölkəmizdə uşaqlar bayramı yeteri qədər yaddaqalan şəkildə qeyd olunur.

Sonxeber.az əməkdaşları bu gün 165 nömrəli uşaq bağçasında keçirilən tədbir proqramı ilə yaxından tanış olub. Tədbir zamanı uşaqlar maraqlı rəqslər edib, şən mahnılar oxuyublar.

Bağçanın direktoru Sənubər Əkbərova bu gün ilə bağlı öz təəssüratlarını bölüşərək bu gün uşaqları təbrik etdi:

"Uşaqlar bizim gələcəyimizdir, onlarla işləməkdən zövq alırıq. Bugünkü tədbirdən də hiss olunur ki, biz onlarla ürəklə işləyirik. Uşaqlarımızı təkcə 1 iyun, ilin bütün günlərində müdafiə edərək qorumalıyıq".

Daha ətraflı olaraq videoreportajı təqdim edirik:

AYSEL ƏKBƏR
PƏRVİZ ALLAHVERDİYEV

Telegramda izləyin