Ermənistanın xarici işlər naziri Stefan Malerius ilə görüşüb

Ermənistanın xarici işlər naziri Ararat Mirzoyan "Konrad Adenauer" Fondunun "Cənubi Qafqazda siyasi dialoq" Regional Proqramının rəhbəri Stefan Malerius ilə görüşüb.

Sonxeber.az xəbər verir ki, bu barədə erməni mətbuatı məlumat yayıb.

Həmsöhbətlər fondla qurulan sıx əməkdaşlığı yüksək qiymətləndirib və Ermənistanda demokratik təsisatların gücləndirilməsi, aparılan islahatlar nəticəsində əldə olunan irəliləyişlər və bu istiqamətdə Aİ və üzv dövlətlərin davamlı dəstəyi ilə bağlı fikir mübadiləsi aparıblar.

Görüş zamanı bölgədəki təhlükəsizlik vəziyyətinə toxunulub. Nazir Mirozyan Qarabağ məsələsi və Ermənistan və Azərbaycan arasında normallaşma prosesi ilə bağlı son hadisələri, Cənubi Qafqaz regionunda hərtərəfli və davamlı sülhə nail olmaq üçün erməni tərəfinin baxışını təqdim edib. Beynəlxalq aktorların davamlı şəkildə cəlb edilməsinin və bu istiqamətdə fəal addımların atılmasının vacibliyi vurğulanıb.

Şəbnəm Lətifi

Telegramda izləyin