Londonda "Ukraynanın yenidən qurulması" konfransı işə başlayıb

İngiltərənin paytaxtı Londonda Ukraynanın yenidən qurulması üzrə ikinci konfrans işə başlayıb.

Sonxeber.az xəbər verir ki, 2 gün davam edəcək konfrans Böyük Britaniya və Ukrayna tərəfindən təşkil olunur.

Beynəlxalq ictimaiyyəti bir araya gətirən konfransın açılış nitqlərini tədbirdə onlayn iştirak edən Böyük Britaniyanın Baş naziri Rişi Sunak və Ukrayna Prezidenti Vladimir Zelenski edib.

Sunak bildirib ki, İngiltərə Ukraynaya vurduğu ziyanı ödəyənə qədər Rusiyaya qarşı sanksiyaları davam etdirəcək.

ABŞ dövlət katibi Antoni Blinken, Avropa İttifaqı Komissiyasının sədri Ursula fon der Leyen və Yaponiyanın xarici işlər naziri Hayaşi Yoşimasa konfransa qatılacaqlar.
Konfransda Türkiyə xarici işlər naziri Hakan Fidan da iştirak edir.

Telegramda izləyin