Rusiya və Ukrayna əsirləri dəyişib

Rusiya ilə Ukrayna arasında əsir mübadiləsində 47 Ukrayna və 45 Rusiya əsgəri azad edilib.

Sonxeber.az xəbər verir ki, Rusiya Müdafiə Nazirliyindən verilən açıqlamada Rusiya ilə Ukrayna arasında əsir mübadiləsinin olduğu bildirilib.

"45 rus əsgəri Ukrayna əsirliyindən vətənə qayıdıb", - deyə məlumatda deyilir.

Ukrayna Prezident Aparatının rəhbəri Andriy Yermak da sosial şəbəkədə 45 əsgər və 2 mülki vətəndaşı rus əsirliyindən azad edə bildiklərini paylaşıb.

Yermak, prezident Vladimir Zelenskinin Ukrayna Əsirlərinin Koordinasiya Qərargahı ilə birlikdə bütün məhbusları xilas etmək məqsədini yerinə yetirməyə davam etdiyini qeyd edib.

Telegramda izləyin