Livanda televiziya kanalında dava düşüb-VİDEO

Livanda televiziya proqramına qatılan jurnalistlə keçmiş nazir arasında mübahisə davaya çevrilib.

Sonxeber.az xəbər verir ki, Mərkəzi Livanın paytaxtı Beyrutda yerləşən "MTV" televiziyasında yayımlanan "Vaxtı gəldi" siyasi diskussiya proqramında Livanın yüksək səviyyəli jurnalistlərindən olan Simon Abu Fadel və keçmiş ətraf mühit naziri Viham Vahab qonaq qismində iştirak ediblər.

Canlı yayımlanan verilişdə əvvəlcə bir-biri ilə mübahisə edən Fadel və Vahab daha sonra moderatorun bütün müdaxilələrinə baxmayaraq bir-birini dinləməyərək təhqir etməyə başlayıblar.

Vahabın Fadelə qələm atmasından sonra mübahisə qısa zamanda yumruq davasına çevrilib.

Studiyadakı təhlükəsizlik qüvvələrinin müdaxiləsinə baxmayaraq səngiməyən dava televiziyadan kənarda da davam edib.

Sosial mediada yayılan görüntülərə görə, bölgədəki əsgərlər kütləni ayırmaq üçün müdaxilə edib.

Studiyadakı davanın görüntüləri tezliklə Livan və ərəb dünyasında sosial şəbəkələrdə yayılıb.

Telegramda izləyin