ABŞ: "Rusiya və Çin Şimali Koreya məsələsində rol oynamalıdır"

ABŞ Dövlət Departamentinin sözçünün müavini Vedant Patel bəyan edib ki, Rusiya və Çin Birləşmiş Millətlər Təşkilatının Təhlükəsizlik Şurasının (BMT TŞ) üzvləri kimi Şimali Koreyanı dialoq masasına gətirmək rolunu öz üzərinə götürməlidirlər.
Sonxeber.az xəbər verir ki, Patel gündəlik mətbuat konfransında Şimali Koreyanın danışıqlar masasına oturması üçün Çin və Rusiyanın rol oynamalı olduğunu bildirib.

"Həm Rusiya, həm də Çin BMT Təhlükəsizlik Şurasındakı təsirindən və Şimali Koreyaya təsirindən istifadə edərək, bu ölkəni qeyri-qanuni davranışları təhdid etməyi dayandırmağa və onun yaxın və geniş mühitində gərginlik yaratmayacaq şəkildə davranmağa təşviq etmək rolunu oynaya bilər.ABŞ olaraq, Pxenyanla danışıqlara qeyd-şərtsiz açıq olmaq mövqeyimiz dəyişməyib və Koreya yarımadasının nüvəsizləşdirilməsinə sadiq qalmağa davam edəcəyik", - deyə Patel bildirib.

Patelin bəyanatı Şimali Koreyanın Rusiya və Çin nümayəndə heyətlərini 27 iyul 1953-cü ildə imzalanmış Panmuncom barışıq müqaviləsinin 70-ci ildönümü tədbirlərinə dəvət etdiyini açıqladıqdan sonra verilib.

BMT Təhlükəsizlik Şurasının daimi üzvləri olan Rusiya və Çin keçən ildən Şimali Koreyanın raket sınaqlarına qarşı sanksiyalara veto qoyur.

Telegramda izləyin