Pekində leysan yağışlar 11 nəfərin həyatına son qoyub

Çinin paytaxtı Pekində leysan yağışlar nəticəsində 11 nəfər ölüb, itən 27 nəfərin axtarışları davam edir.

Güclü yağışlar Çinin paytaxtı Pekinin bir çox bölgəsində həyata mənfi təsir göstərir.

Sonxeber.az xəbər verir ki, Pekin Şəhər Administrasiyasından verilən açıqlamada paytaxtın müxtəlif yerlərində axtarış-xilasetmə işlərində iştirak edən 2 nəfərin də olduğu 11 nəfərin həyatını itirdiyi, 27 nəfərin isə itkin düşdüyü bildirilib.

İndiyədək paytaxtın 13 rayonunda 44 min 673 nəfər əlverişsiz hava şəraitinin təsirinə məruz qalıb, 127 min nəfər isə Pekində təhlükəsiz yerlərə təxliyə edilib.

Telegramda izləyin