Səudiyyə Ərəbistanına getməyəcək

Məhəmməd Salah Səudiyyə Ərəbistanına getməyəcək.

Lent.az bildirir ki, "Foot Mercato"nun məlumatına görə, misirli hücumçu "Liverpul"un oyunçusu olaraq qalır və tezliklə komandadan ayrılmayacaq.

Xatırladaq ki, bundan əvvəl hücumçunu Səudiyyə Ərəbistanının "Əl-İttihad" klubunun heyətində görmək istədiyi barədə məlumat yayılmışdı. Əvvəlcə klub "Liverpul"a 100 milyon avro, futbolçunun özünə isə ildə 500-600 milyon dollar qazanmaq imkanı ilə 3 illik müqavilə təklif edib.

Bundan sonra "Daily Mail" qəzeti "Əl-İttihad"ın Salahı dünyanın ən bahalı futbolçusuna çevirməyə hazır olduğunu yazıb. Futbolçu üçün İngiltərə klubuna 200 milyon funt-sterlinq təklif olunub. Lakin mersisaydlılar onu satmaqdan imtina ediblər. Səudiyyə Ərəbistanında transfer pəncərəsi bu gün, sentyabrın 7-də bağlanır.

Xatırladaq ki, Salah 2017-ci ilin yayından "Liverpul"da çıxış edir. Misirli ötən yay klubla yeni üç illik müqavilə imzalayıb və bu, həftəlik 350 min funt-sterlinq maaşla komandanın tarixində ən çox maaş alan oyunçu olub.

"Əl-İttihad" Səudiyyə Ərəbistanının hazırkı çempionudur, klub bu yay Fabinyo, Kərim Benzema, N'Qolo Kante, Jota kimi ulduzları transfer edib.

Telegramda izləyin