Dünya Döyüş Oyunları: Azərbaycan kikboksçusundan tarixi uğur

22-28 oktyabr tarixlərində Səudiyyə Ərəbistanın Ər-Riyad şəhərində 4 ildən bir keçirilən "World Combat Games"də ölkəmizi təmsil edən Amin Quliyev qalib gəlib.

Sonxeber.az xəbər verir ki, Amin Quliyev Azərbaycan Kikboksinq Federasiyasının yeganə kikbokscusu Wako versiyası üzrə 2 qat dünya ,3 qat avropa çempionudur. Amin Quliyevin şəxsi məşqçisi Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı Əməkdar idman ustası, Əməkdar məşqçi, 26 qat dünya çempionu Eduard Məmmədov və onun köməkcçisi Ayaz mehdiyev dünyanın ən güclü 8 idmançısı arasında iştirak edib.

Kikboksçularımız 60 kq çəki dərəcəsində üç döyüşdə uğur əldə edib. İdmançımız birinci döyüşdə İspaniya idmançısı, dünya reytinqində N1 Andres Unzue Casajusa qalib gəlib. İkinci döyüşdə Ukrayna idmançısı Maksim Semençuka və üçüncü döyüşdə Türkiyə idmançısı Gürbüzcan Ali Ataberki məğlub edərək Dünya Döyüş Oyunlarının qalibi olub.

Bu münasibətlə başda Milli Məclis sədrinin müavini, Azərbaycan Kikboksinq Federasiyasının fəxri prezidenti cənab Adil Əliyev və Azərbaycan Kikboksinq Federasiyasının prezidenti cənab Orxan Əliyevi təbrik edir və təşəkkürlərimizi bildiririk.

Qeyd edək ki, Amin Quliyevin 18 yaşı var. O, özündən 10 yaş böyük idmançılar ilə döyüşüb. Xatırladaq ki, rəqibləri ən güclü döyüşçülər olub.

Telegramda izləyin