"YAŞAT" Fondu: "Müharibədən sonra 111 şəhid övladı dünyaya gəlib"

"YAŞAT" Fondu zaman və vaxt məhduyyəti olmadan subyektlərinə dəstək verir. Fərmanda da qeyd olunduğu kimi "YAŞAT" Fondunun subyektləri Azərbaycan Respublikasının ərazi bütövlüyü uğrunda əlilliyi müəyyən olunmuş şəxslər və şəhid ailəsi üzvü statusu olan şəxslərdir. 2023-cü ilin statistikasında müalicəyə daha çox üstünlük vermişik. Fərmandan sonra, növbəti bir sərəncam fondun maliyyə vəsaiti ilə bağlı idi. Həmin vəsaiti biz daha çox müalicəyə və dərman təminatına xərcləməyi düşünürük".

Bu sözləri Sonxeber.az-a müsahibəsində "YAŞAT" Fondunun nümayəndəsi Nurana Babayevə deyib. Onun sözlərinə görə, fondun "Onlar Bizə Əmanət" layihəsi ən müqəddəs layihələrdən biridir:

"Çünki, müharibədə atası şəhid olandan sonra 111 uşaq dünyaya gəlib. Bu uşaqların gələcəyi ilə bağlı "YAŞAT" bir iş görməli idi. "Onlar Bizə Əmanət" layihəsi çərçivəsində həmin uşaqların hər biri adına depozit hesabı açılıb. Uşaqlar 18 yaşa çatdıqdan sonra yerləşdirilən bu məbləği faizləri ilə birlikdə alacaqlar. Eyni zamanda, ananın yaranacaq zəruri xərcləri üçün 1000 manat, körpələrin adına isə hər birinin adına 5000 AZN-lik depozit hesabı açılıb".

Müsahibə zamanı Nuranə Babayevə şəhid ailələrinə müalicə və psixoloji xidmət prosesindən və fonda edilən maliyyə dəstəyi ilə bağlı məsələlərə aydınlıq gətirib.

Telegramda izləyin