Qeyri-maddi mədəni irs nümunələrimiz bu siyahıya daxil edildi
Dekabrın 18-19-da Mərakeşin paytaxtı Rabat şəhərində İslam Dünyası Təhsil, Elm və Mədəniyyət Təşkilatı –ICESCO-nun nəzdində fəaliyyət göstərən İslam Dünyası İrs Komitəsinin (IWHC) 11-ci iclası keçirilib.
Axşam.az xəbər verir ki, komitə üzvlərinin qərarı ilə ölkəmizin zəngin mədəniyyətini əks etdirən aşağıda qeyd olunan 10 qeyri-maddi mədəni irs nümunəsi İslam Dünyası İrs Siyahısına daxil edilib:
1. Yallı (köçəri, tənzərə) Naxçıvanın ənənəvi qrup rəqsləri;
2. Dolma hazırlanması və paylaşılması ənənəsi, mədəni kimliyin göstəricisi;
3. Pəhləvanlıq mədəniyyəti, ənənəvi zorxana oyunları, idman növləri və güləş;
4. Azərbaycan muğamı;
5. Lahıc misgərlik sənəti;
6. Çövkən – ənənəvi Qarabağ atüstü oyunu;
7. Azərbaycan aşıq sənəti;
8. Kəlağayı düzəldilməsi və geyinməsi ənənəvi incəsənəti və onun simvolizmi;
9. Tar ifaçılıq sənəti və onun hazırlanma ustalığı;
10. Azərbaycanda xalça toxuculuğu ənənəvi sənəti.
Dekabrın 19-da ICESCO-nun qərargahında Mərakeş rəsmiləri, təşkilata üzv ölkələrin diplomatik nümayəndəlikləri və İslam Dünyası İrs Komitəsi üzvlərinin də iştirak etdiyi mərasimdə Azərbaycan Respublikası Mədəniyyət Nazirliyinin hazırladığı namizədlik faylları əsasında qeyd olunan elementlərin İslam Dünyası İrs Siyahısına daxil edilməsini təsdiq edən sertifikat ICESCO-nun baş direktoru Salim əl-Malik tərəfindən Azərbaycanın bu qurumdakı daimi nümayəndəsi Nazim Səmədova təqdim edilib. İslam Dünyası İrs Komitəsinin sözügedən qərarı ilə Azərbaycan xalqına məxsus bu qeyri-maddi mədəni irs elementlərinin mühüm dəyəri vurğulanıb və mədəni irsin qorunması, mühafizəsi və davamlılığının təmin edilməsinin vacibliyi nümayiş etdirilib. Qeyd edək ki, Azərbaycanın üzvü olduğu ICESCO ilə əməkdaşlığında mədəni irsin qorunması mövzusu mühüm yerlərdən birini tutur.
Xatırladaq ki, 2019-cu ildə Azərbaycandan İçərişəhər (Qız qalası və Şirvanşahlar saray kompleksi ilə birlikdə), Şəkinin tarixi mərkəzi (Xan sarayı ilə birlikdə) və Qobustan qayaüstü rəsmləri də İslam Dünyası İrs Siyahısına daxil edilib.
Bununla da Azərbaycanın İslam Dünyası İrs Siyahısındakı mədəni irs nümunələrinin sayı 13-ə çatıb.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bu çayları əsla almayın: Bir fincan çayda 15 plastik parça
Qar yağacaq, yollar buz bağlayacaq - Xəbərdarlıq
Qızıl bazarında rekorddan sonra kəskin eniş - ekspertdən xəbərdarlıq
Generala ərə gedən xanım digər generalın bacısı qızıdır
Cəlilabadda 12 və 14 yaşlı yeniyetmələr BALTALANDILAR: Əmi şübhəli bilinir
Fevralın 2-si ilə bağlı XƏBƏRDARLIQ - RƏSMİ
Həkim xəbərdarlıq edir: Aşağı qan təzyiqi də ciddi təhlükə yaradır
Azərbaycan Cüdo Federasiyasının rəhbərliyi tərəfindən təzyiqə məruz qalan Tuncay Şamil prezidentə açıq məktub göndərib
Fevralda neçə gün evdəyik?
Işdən çıxarılan şəxs hansı hallarda məhkəmə yolu ilə işinə bərpa oluna bilər? - AÇIQLAMA
Bakıdakı ağır qəzanın görüntüləri - Video
Bu xəstəliyi olanlar əsgər aparılmır
Generala ərə gedən qız digər generalın bacısı qızıdır
Mehriban Əliyeva Gənclər Günü münasibətilə paylaşım etdi
Tursit bəbir ilə selfi çəkmək istəyərkən hücuma məruz qaldı - VİDEO