Aztəminatlı ailələrə verilən sosial yardım 350 manata çatdırılır? - AÇIQLAMA

Məlum olduöu kimi, aztəminatlı ailələrə dəstək mexanizmi olan ünvanlı sosial yardımın artım məsələsi aktual olaraq qalır. "Azərbaycan Respublikasında 2024-cü il üçün ehtiyac meyarının həddi haqqında" yeni qanuna əsasən, qeyd olunan sosial əhəmiyyətli göstərici 270 manat təşkil edir. Bəs hazırda sözügedən ehtiyac meyarı 350 manata çatdırıla bilər?

Mövzu ilə bağlı iqtisadçı ekspert Rəşad Həsənov Sonxeber.az-a açıqlamasında deyib ki, nə vaxtsa ünvanlı sosial yardımın hesablanması zamanı mövcud ehtiyac meyarı 350 manata çatacaqdır:

"İstehlak səbətinə uyğun olaraq ildə bir dəfə büdcə prosesi çərçivəsində hesablanır, qiymət dəyişikliklərinə və inflyasiyaya uyğun olaraq bu rəqəm dəyişir. Büdcə paketi və qanun layihəsi çərçivəsində isə təsdiqlənir. Təbii ki, inflyasiya səviyyəsindən asılı olaraq növbəti 2-3 ildə bu səviyyəyə çata bilər. İstehlak səbətinə uyğun olaraq ildə bir dəfə büdcə prosesi çərçivəsində hesablanır, qiymət dəyişikliklərinə və inflyasiyaya uyğun olaraq bu rəqəm dəyişir. Büdcə paketi və qanun layihəsi çərçivəsində isə təsdiqlənir. Təbii ki, inflyasiya səviyyəsindən asılı olaraq növbəti 2-3 ildə bu səviyyəyə çata bilər".

Ekspertin sözlərinə görə, bizim qiymətlər onu göstərir ki, reallıqda faktiki olaraq istehlak səbətinin cari qiymətlər ilə dəyəri 400 manata yaxındır:

"Bu ilin artımından söhbət gedirsə, gözlənilən deyil. Təcrübəyə və qanunvericiliyə uyğun olaraq göstəriciyə ildə 1 dəfə baxılır. Büdcə prosesi çərçivəsində qiymətləndirilməsi aparılır. Dekabr ayında 2025-ci il üçün artıq yeni qiymətlər ilə hesablanmış ehtiyac meyarının səviyyəsi açıqlanacaqdır. Bu da təxminən 280-290 manat ətrafında bir göstərici olacaq".

Sevda Səfərova

Telegramda izləyin