"Ermənistan maksimum dərəcədə hərbçimizin saxlanılmasından faydalanmağa çalışacaq" - AÇIQLAMA

Xəbər verdiyimiz kimi bu gün səhər saatlarında Azərbaycan Ordusunun əsgəri Ruslan Eldəniz oğlu Pənahov Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb. Hərbi qulluqçumuzun tapılması məqsədilə dərhal axtarış tədbirləri başlayıb. Bəs hərbçimizin qaytarılması istiqamətində hansı addımlar atılacaq?

Məsələ ilə bağlı hərbi ekspert Elxan Şıxəliyev Sonxeber.az-a açıqlamasında bildirib ki, Azərbaycan tərəfindən, xüsusilə şərti sərhəddə Laçın istiqamətində hərbçimiz gecə vaxtı hava şəraitindən asılı olaraq yolunu azıb və Ermənistan tərəfinə keçib. Ermənistan tərəfi təsdiq etdi ki, Azərbaycan əsgərini nəzarətə götürüblər. Bundan əvvəldə bu kimi hadisələr, xüsusilə şərti sərhəd üzərindən Azərbaycan hərbçilərinin yolu azıb və Ermənistana keçib:

"Ermənistan tərəfi təsdiq etdi ki, Azərbaycan əsgərini nəzarətə götürüblər. Bundan əvvəldə bu kimi hadisələr, xüsusilə şərti sərhəd üzərindən Azərbaycan hərbçilərinin yolu azıb və Ermənistana keçib. Ermənistandan da Azərbaycana keçmə halları müşahidə olunub. Nəticədə istənilən halda hərbçilərin geri qaytarılması baş tutub. Nə qədər bu hallar baş veribsə bir nəfər də olsun Ermənistan tərəfində qalmayıb. İstənilən halda onlar hərbçilərimizə qarşı cinayət işi açsalarda, qanunsuz məhkəmələr keçirsələrdə Azərbaycan tərəfi hərbçimizi geri qaytarıb. Bu biraz vaxt aparacaq. Hərbçilərimiz onların nəzarətində olanda sorğulama həyata keçirirlər, işgəncələrə məruz qoyurlar ki, maksimum informasiya alsınlar. Yaxud gələcəkdə agent şəbəkəsinin razılığını əldə etsinlər. İstənilən hallarda bu məqamlar arzuolunmazdır".

Ekspert deyib ki, hər bir halda erməniləri tanıyırıq və hərbçilərimiz ilə necə vandal halda davranacaqlarını bilirik:

"Nəticəsində cəmiyyətimiz bilməlidir ki, ən ağır vəziyyətdə belə Azərbaycan əsgəri Ermənistanın nəzarəti olduğu halda geri qaytarılıb. Ramil Səfərovu hansı şərtlər daxilində Ali Baş Komandan onun ekstradisiyanı həyata keçirdi. Bu bir sərkərdənin hərbçisinə sahib çıxması nümunəsidir. Şəhid Mübariz İbrahimovun nəşini vəhşi ermənilər geri qaytarmırdı. Amma biz buna nail olduq. 3 ay bundan əvvəl Naxçıvan istiqamətində Ermənistanın nəzarətinə keçən iki hərbçimiz də qaytarıldı. Eyni şəkildə bu hərbçimiz də qaytarılacaq. Amma biraz zaman keçəcək. Hərbçimiz üzərindən ermənilər maksimum dərəcədə alver etməyə çalışacaq. Bizdə də Ermənistan tərəfindən müharibədə iştirak edib və nəzarətimizdə olan erməni hərbçilər var. Hər bir halda dəyişdirilmə baş verəcək. Düşünürəm ki, hərbçimizin saxlanılmasından Ermənistan faydalanmağa çalışacaq".

Sevda Səfərova

Telegramda izləyin