Azərbaycanda 11-ci sinif şagirdi süni intellekt YARATDI - VİDEO

Məktəbli gənc müstəqil, neyron şəbəkə yaradıb. Söhbət 11-ci sinif şagirdi Fərid Ağayevdən gedir. Fərid rus bölməsində təhsil alır və gənc yaşlarından "Open Beta X" şirkətinin qurucusudur. O sözügedən şəbəkəni qurmaq üçün 2 il vaxt sərf edib. "Ganjavi Aİ" adları süni intellekt proqramı, "ChatGBT" , "Capilot Microsoft" və "Google" kimi proqramlardan heç də fərqlənmir.

Sonxeber.az xəbər verir ki, Fərid Ağayev "Xəzər Xəbər"ə Nizami Gəncəvinin Azərbaycan ədəbiyyatına verdiyi töhfələr səbəbindən yaratdığı neyro şəbəkənin adını Gəncəvi qoyduğunu deyib. Bu şəbəkə ideyalar yaratmaq, tədrisə və tədqiqata kömək etmək, söhbət əsnasında istifadəçi ilə ünsiyyət qurmaqla həyatın bir çox sahələrində faydalıdır:

"Hazırda Gəncəvi ancaq Facebook'da aktivdir. Proqramdan bütün sahələrdə istifadə etmək mümkündür. Tibb, biznes və digər sahələrdə insanlar bundan əlavə pulsuz şəkildə istifadə edə bilərlər. Şəbəkədə 144 milyardlıq parametlərlə əsas predmet olaraq götürülüb. Bütün dünyada əvəzolunmaz bir məqamdır".

Fərid Ağayev deyib ki, yaratdığı neyro şəbəkə 3 dildə- Azərbaycan, İngilis və rus dillərində fəaliyyət göstərir. Bu proqram məlumatları Azərbaycan dilində "ChatGPT"dən daha yaxşı çatdırır. Süni intellektə Azərbaycan dilində istənilən sualı verib saniyələr keçmədən dolğun cavab almaq mümkündür:

"O şəbəkə Azərbaycan dilində yanlışlara yol verir. "Ganjavi" Azərbaycan dilində məlumat verən ən mükəmməl modeldir".

Proqramın yaradıcısı bu sahəyə investisiya qoyulsa Azərbaycanında süni intellekt sahəsində dünyanın lider ölkələri arasında ola biləcəyi fikrindədir.

Ətraflı "Xəzər Xəbər"in süjetində:

Telegramda izləyin