İrəvan işğal edilən 4 kəndi Azərbaycana qaytarmaqdan imtina edir? - Gərginliyi artıracaq addım

Ermənistan xarici işlər naziri Ararat Mirzoyan Anadolu agentliyinin Türkiyə-Ermənistan və Ermənistan - Azərbaycan münasibətlərinin normallaşma proseslərinə dair suallarını cavablandırıb. O, deyib ki, Azərbaycan ilə sülh sazişinin imzalanması üçün danışıqları davam etdirirlər.

Sonxeber.az xəbər verir ki, bununla bağlı "Aztv"nin "Həftə" proqramında videomaterial hazırlanıb.

"Hazırda sülhün həqiqətən əldə edilməsi üçün imkanımız var" deyən Murzoyan iki ölkənin sərhədlərinin müəyyənləşdirilməsi və regional kommunikasiya xətləri ilə bağlı iki önəmli məsələdə tərəflərin yanaşmasının fərqli olduğunu diqqətə çatdırır.

Dövlət sərhədlərinin delimitasiyası üzrə növbəti 7-ci görüşü keçirildi. Tərəflər məhz delimitasiya işlərinin görülməsinin qaydası üzrə müvafiq təminatlarının layihələrini müzakirə etdilər. Daha sonra belə bir məlumat yayıldı ki, erməni tərəfi 4 kəndin qaytarılmasını Azərbaycanın Ermənistan ərazisini işğal etdiyini tanımaq kimi qiymətləndirir. Hesab edir ki, 31 qeyri-anklav yaşayış məntəqəsi bu halda Azərbaycanın həmişəlik nəzarəti altına keçirir.

Buradan belə çıxır ki, haylar Qazaxın 7 kəndi və Kərkini hələ də özlərinin sayır. Onları isə geri qaytarmaq niyyətində deyil. Elə Mirzoyanın sərhəd mövzusu ilə bağlı spekulyasiyasını da bu nöqteyi-nəzərdən Qarabağda separatizmə çağırış kimi şərh etmək olar.

Ətraflı videomaterialı təqdim edirik:

Telegramda izləyin