Əfvə hansı məhbuslar müraciət edə bilər? Kimlər azadlığa BURAXILACAQ? - ARAŞDIRMA

Məlum olduğu kimi, qarşıdan gələn ovruz bayramı ilə əlaqədar əfv sərəncamı gözlənilir. Bəs azadlığa buraxılacaq məhbuslar kimlərdir?, əfv sərəncamından hansı məhbuslar faydalana bilər? Bu kimi suallar müəmmalı olaraq qalır.

Mövzu ilə bağlı hüquqşünas Şamil Paşayev, Novella Cəfərova Sonxeber.az-a açıqlama verib. Hüquqşünas Şamil Paşayev bildriib ki, ümumiyyətlə nəzərə almaq lazımdır ki, hər kəsin əfv üçün müraciət etmək hüququ var:
"Əfv etmə fərdi qaydada prezident tərəfindən həyata keçirilir. Cinayət törətməkdə məhkum olunan şəxs, əfv aktı ilə cəzanı çəkməkdən azad edilə bilər. Cəzasının müddəti azaldıla yaxud cəzası daha yüngül forma ilə əvəzlənə bilər. Əfv etmə aktı ilə müraciət etmiş şəxsin məhkumluğu götürülməsi mümkündür. Əfv etmə haqqında əsasnaməyə əsasən, əfv etmə barədə müraciət məhkum olunmuş şəxsin özü müdafiəsi yaxud qanun nümayəndəsi verə bilər. İslah işləri, azadlığın məhdudlaşdırılması, insan xarakterli hərbi hissədə saxlama, hərbi xidməti məhdudlaşdırma və böyük ictimaiyyətə təhlükə törətməyən cinayətlərə görə, azadlıqdan məhrumetmə cəzası daşıyan şəxslər hökm qanuni qüvvəyə mindikdən sonra əfv üçün müraciət edə bilərlər. Az ağır cinayət törətməyə görə, azadlıqdan məhrum edilən şəxslər cəzala müddətinin 3-də birini çəkdikdən sonra, ağır və xüsusi ağır cinayət törətmiş şəxslər cəza müddətinin azı yarısını çəkdikdən sonra, ömürlük məhkum olunanlar isə cəzasının 10 il müddətini çəkdikdən sonra, əfvə müraciət edə bilərlər. Amma nəzərə almaq lazımdır ki, əfv prezidentin müstəsna səlahiyyətidir. Prezident istənilən halda, istənilən müddətdə şəxsi azad etməkdə sərbəstdir. Qanunvericilik ona bu barədə imkan tanıyır".

Hüquq-müdafiəçisi Novella Cəfəroğlu deyib ki, əfv komisiyyasına daxil olan ərizələr araşdırılır və prezidentə təqdim olunur:
"Qanunvericiliklə hər kəs əfvə müraciət edə bilər. Lakin kimlərin azad olunacağını, nə dərəcə təqsirli olduğunu əfv komissiyaları nəzərdən keçirir. Kateqoriyaları və hansı səbəblə həbs olunduğuna komissiyalar baxır. Səlahiyyətli şəxslər tərəfindən bir sıra məqamlar araşdırılır. Siyahıya baxılır, prezident aparatına daxil olan ərazilər ilə nəzərdən keçirilir. Həmin ərizələr seçilir və prezidentə təqdim olunur".

Sevda Səfərova

Telegramda izləyin