Məktəb rəhbərliyi hara baxır: Şagirdlər telefondan rahat şəkildə necə istifadə edir?

Son zamanlar məktəblərdə müxtəlif görüntülər sosial mediada sıxlıqla paylaşılır. Bəs görəsən şagird məktəb daxilində mobil telefondan bu dərəcədə rahat necə istifadə edir? Eyni zamanda şagirdin məktəbdə te­lefondan istifadə et­məsi fikir dağınıqlı­ğına və dərs prosesi­nin pozulmasına səbəb olur.​
Məsələ ilə bağlı təhsil ekspert Kamran Əsədov Sonxeber.az-a açıqlama verib.

O bildirib ki, orta məktəblərdə mobil telefon istifadəsinin qadağan olunması məqsədəuyğundur:

"Ölkəmizin təhsil müəssisələri elektron resurslardan istifadəyə görə dünyanın bir sıra aparıcı ölkələri ilə müqayisədə geridə qalır. Hər bir orta məktəb şagirdi tədris ilində minimum 11 fənn oxuyur, onların kitablarını əldə edir. Halbuki sosial şəbəkələrdə qeydiyyatdan keçən şagirdlərin sayı faydalı elektron resurslardan, dərsliklərdən istifadə edənlərdən qat-qat çoxdur. Ona görə, orta ümumtəhsil müəssisələrində yaşanan bəzi xoşagəlməz hadisələr də telefonun gətirdiyi nəticələrdir. Bütün bunları nəzərə alaraq, orta məktəblərdə mobil telefon istifadəsinin qadağan olunması məqsədəuyğundur.

Əlbətdə ki, orta məktəb şagirdinə mobil telefon yalnız valideynləri ilə əlaqə saxlamaq üçün vacibdir. Yəni onun məktəbə daxil olması, məktəbdən çıxması barədə valideyininə operativ məlumat verir.

Amma bunun üçün təklif edirəm ki, bunun üçün orta məktəblərin girişində turniketlər quraşdırılsın. Əl izi, yaxud hansısa vasitə ilə şagirdlərin məktəbə daxil olması həyata keçirilsə, valideynlər də bundan xəbərdar olar. Həmçinin, məktəblərin girişində böyük şkaflar yerləşdirib, hər bir şagirdə nömrə vermək, dərs vaxtı elektron vasitələrini, mobil telefonlarını orada saxlamağa şərait yaratmaq olar".

Telegramda izləyin