Azərbaycanda xüsusi karantin rejimi nə vaxt ləğv ediləcək? - AÇIQLAMA

Xəbər verdiyimiz kimi, Azərbaycan Respublikasının ərazisində xüsusi karantin rejiminin müddəti uzadılıb. Bu barədə Baş nazir Əli Əsədov qərar imzalayıb. Qərara əsasən, Azərbaycan Respublikasının ərazisində xüsusi karantin rejiminin müddəti iyulun 1-i saat 06:00-dək uzadılıb.

Bəs Azərbaycanda xüsusi karantin rejimi nə vaxt ləğv ediləcək? Mövzu ilə bağlı onkoloq-həkim, tibb elmləri doktoru, professor Adil Qeybulla Sonxeber.az-a açıqlama verib:

"Əvvəla bildirmək istəyirəm ki, karantin rejimi konkret olaraq epidemioloji vəziyyətə görə verilib. Bu gün Avropa, qonşu ölkələrdə belə, vəziyyət yaxşı deyil. Hələ də xeyli xəstəlikdən əziyyət çəkənlər var. Koronaya yoluxub ölənlər belə var. Sadəcə insanlar artıq bunu öyrəşib və bir o qədər işin ciddiyətinin fərqində deyillər. Karantin rejimi xarici ölkələrdə uzadır. Buna görə də bizdə bu rejimi onlarla birlikdə uzadırıq. Bu həm də Ümumdünya Səhiyyə Təşkilatının tövsiyələri əsasındadır. Hər bir ölkə öz epidemioloji durumunu nəzərə alaraq, qərarlar qəbul edir. Yəni bu qərar bir anda verilmir. Bu baxımdan hesab edirəm ki, bir müddət epidemioloji vəziyyət stabilləşənə qədər buna ehtiyac var. Xatırladım ki, bu gün nəinki koronavirus xəstəliyinin mutasiyaya uğramış variantları, eyni zamanda qrip, qızılca, skarlatina, göy öskürəkləri çox əhali arasında çox yayılıb. Bu xəstəliklər nəinki Azərbaycan, Avropa ölkələrini belə bürüyüb. Belə olan təqdirdə özümüzü mümkün qədər qorumalıyıq".

Telegramda izləyin