Ramazanda toy mərasimi keçirmək olar? - VİDEO

Son vaxtlar toy bazarında durğunluq müşahidə olunur. Belə görünür ki, toy edənlərin sayı azalıb. Bəs görəsən toy bazarında bu durğunluğun səbəbi nədir?

Sonxeber.az xəbər verir ki, mövzu ilə bağlı, baş inzibatçı Teymur İskəndərov "Apa TV"yə açıqlama verib:

"Toylarımız yanvar-fevral aylarında çox zəif olub. Əgər toyların sayı 15 idisə, indi 5-6 dənə olur. Ramazan ayı gəlir və endirimlər olur. Toy etmək istəyən insanlar üçün endirim edirik".

Toy bazarında durğunluq Ramazan ayında daha da artır. Çünki bu ayda insanlar toy etməyə çəkinirlər. Bəs bu qadağa yaxud ehtiyatın dini əsası var?

İlahiyyatçı Fazil Əhmədli deyib ki, Ramazan ayında toy etmək İslam dinində qadağan olunmayıb:

"Müqəddəs Ramazan ayının iftar saatlarından sonra bir müsəlman toy mərasimi qurub və digər şəxsləri həmin toya dəvət edə bilər. Toy mərasimlərində içkinin verilməsi isə fərdi bir məsələdir".

Toy bazarında durğunluğun olması isə ölkə iqtisadiyyatına təsirsiz ötüşmür. Bu isə özünü qızıl bazarında göstərir. Digər sferalarda isə daha çox kiçik və orta sahibkarlıq subyektləri əziyyət çəkirlər.

Ətraflı "Apa TV"min süjetində:

Telegramda izləyin