Əvvəllər nikah yaşı 20-25 idisə, indi 30-35-dir - VİDEO

Əvvəlki dövrlər ilə müqayisədə şadlıq saraylarında toyların sayı dəfələrlə aşağı düşüb. Toy mərasimlərinin sayının azalmasının səbəblərindən biri də insanların toy etmək üçün alternativ variantlara müraciət etməsidir. Belə ki, insanlar toy etmək üçün qiymətləri 30-300 manat arasında dəyişən şadlıq saraylarına deyil, şəxsi villalara üz tuturlar. Eyni zamanda evliliklərin sayında belə azalma müşahidə olunur. Əvvəllər nikah yaşı 20-25 idisə, indi bu rəqəm 30-35-dir.

Sonxeber.az xəbər verir ki, məsələ ilə sosioloq Üzeyir Şəfiyev "Apa TV"yə açıqlama verib. O deyir ki, bu təkcə Azərbaycan cəmiyyətində deyil, qlobal tendensiyadır. Onun sözlərinə görə, bunun səbəblərindən biri gənclər arasında assosiallaşmadır. Digər tərəfdən isə təhsil almaq və karyera qurmaq planlarıdır:

"Gənclər təhsil yaxud karyera arxasınca xaricə üz tuturlar. Eyni zamanda bəzi gənclərin mənzil-məişət problemləri olduğuna görə, ilk olaraq onları həll etməyə çalışırlar. Bu özüdə başa düşüləndir. Çünki onlar sosial qayğılarını həll etmək istəyir və sonra ailə qurmaq istəyirlər".
Sosioloq deyir ki, ölkədə demoqrafik vəziyyəti yaxşılaşdırmaq üçün gənclərin məşğulluq fəaliyyətinə diqqət artırılmalıdır.

Ətraflı "Apa TV"min süjetində:

Telegramda izləyin