Ermənistan Tavuş rayonuna bitişik kəndlərdən başqa hansı əraziləri boşalda bilər? - AÇIQLAMA

Xəbər verdiyimiz kimi, Paşinyan mətbuat konfransında Tavuş rayonuna bitişik olan kəndləri Azərbaycana qaytarmağa hazır olduğunu təsdiqləyib. Bu barədə "Hraparak" qəzeti yazıb. Nəşr qeyd edir ki, hazırda Tavuş istiqamətindəki 7 kəndin 4-nün qaytarılmasından bəhs edilir: "Söhbət Bağanis Ayrım, Qızıl Hacılı, Aşağı Əskipara və Xeyrimli kəndlərindən gedir". Bəs Ermənistan bu Tavuş istiqamətində qoşunlarını çıxararsa, bu zaman daha hansı əraziər boşaldıla bilər?

Məsələ ilə bağlı Orta Doğu Araşdırmaları Mərkəzinin rəhbəri, siyasi şərhçi Sonxeber.az-a Sədrəddin Soltan açıqlama verib:

"Tavuş istiqamətində erməni qoşunlarının ərazini boşaltmasına dair heç bir rəsmi məlumat yoxdur. Ötən gün Ermənistan baş naziri bəyan etdi ki, yaxın zamanda Tavuşa səfər edəcək və bölgədə vəziyyəti dəyərləndirəcək. Bu baxımdan hələ hansı əraziləri ermənilərin boşalması məsələsi reallığı əks etdirmir. Amma Azərbaycanın əraziləri Tavuş və Naxçıvan istiqamətindədir. Ümumilikdə 8 kənddən söhbət gedir və Ermənistanın işğalı altındadır. Azərbaycan həmin kəndlərin geri qaytarılmasını tələb edir. Bu ərazilərin Azərbaycan və Ermənistan arasında delimitasiya prosesindən əvvəl qaytarılması şərtdir. Ona görə də ərazilərin boşaldılması məsələsi sadəcə olaraq Ermənistan KİV-in yaydığı bir xəbərdir. Nə Azərbaycan, nə də Ermənistan rəsmi mənbələri bu barədə rəsmi məlumat yaymayıblar".

Sevda Səfərova

Telegramda izləyin