"İnsan hüquqları məsələsini bəhanə edib Azərbaycanın daxili işlərinə müdaxilə cəhdləri qəbuledilməzdir"

"ABŞ Dövlət katibi Antoni Blinkenlə telefon danışığı əsnasında bir çox məsələlərə, o cümlədən bu məsələyə də toxunulub. Prezident İlham Əliyev tərəfindən bildirilib ki, insan hüquqları məsələsini bəhanə edərək Azərbaycanın daxili işlərinə müdaxilə cəhdləri tamamilə qəbuledilməzdir".

Bu barədə Prezidentin Mətbuat Xidmətinin AZƏRTAC-ın sorğusuna cavabında bildirilib.

Qeyd olunub ki, dövlətimizin başçısı telefon danışığı zamanı, həmçinin, vurğulayıb: "Bir sıra Qərb ölkələrinin bu məsələ (insan hüquqları - red.) ilə bağlı ikili standartlara əsaslanan qərəzli açıqlamalarını qəbul etmirik".

Prezident İlham Əliyev Antoni Blinkenə Ermənistanda müxalifət nümayəndələrinin həbsi, hətta həbs müddətində ölüm hallarının olması, insan hüquqlarının pozulması hallarını xatırladıb və bu kontekstdə Qərb ölkələrinin səssizliyinin başadüşülən olmadığını, bu kimi faktların məhz ikili standartların bariz nümunəsi olduğunu qeyd edib.

Telegramda izləyin

instagramda izləyin