"Ermənistanın İran tərəfindən silahlandırılması dövlətlərarası münasibətlərin normallaşmasına mane olacaq" - POLİTOLOQ

Xəbər verdiyimiz kimi, İran Hava Yollarına məxsus Boinq-747 yük təyyarəsi 29 martdan 4 aprel tarixinə qədər 5 dəfə İrandan İrəvana gəlib. Səfərlərin üçünün Təbriz yaxınlığından - Sarabdan, ikisinin isə Tehrandan həyata keçirildiyi radarlarda əksini tapıb. Ehtimal edilir ki, təyyarə SEPAH-ın Sarabdakı hərbi bazasından qalxıb. Ermənistanın İran tərəfindən silahlandırılması proseslərə necə təsir edəcək?

Mövzu ilə bağlı Sonxeber.az-a danışan politoloq Turab Rzayev bildirib ki, İrandan vaxtaşırı olaraq Ermənistana gələn yük təyyarələri böyük ehtimalla hərbi yüklərdir. Çünki biz bilirik ki, Ermənistan sürətli şəkildə silahlanır və burada Fransa birbaşa Ermənistanı silahlandırır. Eyni zamanda Yunanıstan üzərindən Ermənistanın silahlandırılmaması prosesi gedir:

" Üçüncü ölkələrdən Fransa lisenziyası ilə istehsal olunmuş silahlar və digər havadan müdafiə sistemləri Ermənistana daşınır. Ermənistana bu silahların daşınması üçün iki yol var. Aydın məsələdir ki, Azərbaycan öz ərazisindən Ermənistana icazə vermir. Digər tərəfdən Türkiyədə buna imkan vermir. Ona görə də Ermənistana bu silahlar ancaq İran və Gürcüstan üzərindən daşına bilər. Fransadan bəzi silahlar Gürcüstan üzərindən daşınsa da, nəzərə almaq lazımdır ki, Gürcüstan Azərbaycan və Türkiyənin strateji partnyorudur. Bu baxımdan Gürcüstan hər zaman silah məsələsində Gürcüstan Ermənistana yaşıl işıq yandırmaya bilər. Bu baxımdan Ermənistana silah İran üzərindən daşınır. Xüsusilə Asiyadan və Yaxın şərqdən gələn silahlar, o cümlədən İranın özündən gələn silahlar buraya daxil olduq. Qarabağ müharibəsi dövründə Ermənistana minlərlə silah daşınmasının şahidi olduq".

Politoloqun sözlərinə görə, müharibədən sonra sülhməramlıların olduğu əraziyə İrandan xüsusi təyinatlıların gəldiyini gördük. Hətta onların aralarında raket mütəxəssislərinin olduğu deyilirdi. Əlimizdə Ermənistana və separatçılara 600-dən çox raketin verilməsi ilə bağlı məlumatlar var idi. Bu strateji məhsullar həmin dövrdə separatçı rejimə gəlsə də, Ermənistana gedirmiş kimi səhnələşdirilirdi:

"Bütün bunlar onu deməyə əsas verir ki, İranın Ermənistanı silahlandırılmada xüsusi rolu var. Tarixi proseslərin nəzərdən keçirəndə artıq bunu bilirik. İran Ermənistanın silahlandırılmamasında 80 faiz rol oynayır. Bununla bağlı məlumatların hər biri bizdə var. Başqa bir məqam isə İrandan Rusiyaya keçilməsi vacib olan hərbi və yüksək texnoloji hərbi yüklər, Ukrayna müharibəsində istifadə olunan çiplər Ermənistan üzərindən Rusiyaya keçilə bilər. Amma burda da çox da məntiqli açıqlama olmazdı. Çünki elə İran birbaşa dəniz hava yolu ilə Rusiyaya bu yükləri göndərə bilər. Qalan ehtimallarda isə İrandakı hərbi yüklərin daşındığı və hərbi anbarların yerləşdirildiyi hərbi hava limanlarından Ermənistana silahların daşınması heç kimdə şübhə yaratmır. İndiki halda İranın bu addımları bizdə təəssüf doğurur".

Turab Rzayev qeyd edib ki, bu gün Ermənistan Qərb ilə görüş keçirir. Onların hərbi varlığını Qafqaza gətirir. Ondan sonra ABŞ və Avropa İttifaqının hərbi təlimlərini Ermənistanda görəcəyik:

"Ola bilsin gələcəkdə Ermənistan hakimiyyəti Rusiya hərbi bazası yerinə NATO hərbi bazasının yerləşdirilməsini təklif edə bilər. Ermənistan indiki məqamda yeritdiyi siyasət İranın təbii maraqlarına ziddir. İranı şimaldan mühasirəyə sala bilər və şimala Ermənistan ABŞ bazasını gətirə bilər. İranın özü bununla bağlı Ermənistana etirazını bildirib və bölgəyə kənar gətirməməsini qeyd ediblər. Belə olan halda, İranın yenə Ermənistanı silahlandırması heç də başa düşülən deyil. Başqa bir məqam isə İran Azərbaycan ilə münasibətləri yaxşılaşdırmaq istəyir. Amma Ermənistanın kütləvi şəkildə silahlandırması dövlətlərarası münasibətlərin normallaşmasına mane olacaq".

Telegramda izləyin