Məktəbdə kişi müəllimlər niyə azdır? - AÇIQLAMA

Bu gün ölkənin ümumtəhsil məktəblərində fəaliyyət göstərən müəllimlərin əksər hissəsini qadınlar təşkil edir. Kişi müəllimlərin sayı isə getdikcə azalır. Bəs bunun səbəbi nədir?

Məsələ ilə sosioloq Əhməd Qəşəmoğlu Sonxeber.az-a açıqlama verib.

Sosioloq məktəblərdəki kişi müəllimin azlığının səbəblərinə aydınlıq gətirib:

"Uzun müddət məktəblərdə əməkhaqqı aşağı oldu. Həmin məbləğl bu əmək haqqı ilə ailə saxlamaq mümkün deyildi. Ona görə də kişi müəllimlərin kütləvi şəkildə məktəbdən uzaqlaşmağa başladı. Digər tərəfdən son 30-40 il ərzində pedoqoji təhsil verən müəssisələrin əksəriyyətində qız tələbələrin sayı çox oldu. Bunun da bir neçə səbəbi var. İlk növbədə həmin dövrdə universitetlərdə təəssüf ki, rüşvət böyük rol oynayırdı. Bu zaman ailələr oxumayan qız uşaqlarını rüşvətlə pedoqoji təhsil müəssisələrinə daxil etdi. Bu zaman dda saxta diplom alan qızlarımız çoxaldı. Daha sonra isə xərc çəkib məktəblərə düzəldilər. Bu səbəblə məktəblərdə qadın müəllimlərin sayı daha da çoxaldı. Bir daha bildirim ki, burada əməkhaqqının böyük rolu oldu. O zaman müəllim maaşları çox aşağı idi. Əməkhaqqına görə kişilər isə bu peşəyə bir qədər qeyri-ciddi yanaşırdılar".

Telegramda izləyin