Azərbaycanda kənd sakini yeni tunel aşkarladı : Nə üçün istifadə edilib? - VİDEO

Göygöldə yeni tunel aşkarlanıb. Rayonun Aşıqlı kəndinin dağlarında yerləşən tunel kənd sakini tərəfindən tapılıb. Kənddən bir qədər uzaqda yerləşən əraziyə getmək isə o qədər asan deyil.

Sonxeber.az xəbər verir ki, "Apa TV"nin əməkdaşları sözügedən ərazidə olub. Jurnalistlərə bələdçilik edən kənd sakini Orxan Yusibov deyir ki, bu tunellərin almanlardan qalan izlərdən biri olduğu ehtimal edilir.

"Bu tunel kənddən 5-5 km uzaqlıqdadır. Ağsaqqallardan eşitmişəm ki, buranı almanlar düzəldib. Bu tunel 4 metrdən ibarətdir. Tunel yol zamanı bir neçə istiqamətə ayrılır".

Tunelə düşüb qalxmaq isə çox çətindir. Çünki mağaranın yolları bir neçə hissəyə bölünür. Bir çox ehtimallar var ki, burada almanlar dağ-mədən fəaliyyəti ilə məşğul olub.

"Daha aşağı düşdükcə tunel dərinləşir. Hazırda burada yarasalar var. 50 metr irəli getdikdən sonra isə artıq yol yoxdur və bağlanıb. Sözügedən istiqamət tunelin dördüncü mərtəbəsidir".

Ətraflı "APA TVnin süjetində:

Telegramda izləyin