"Ermənistanın regionda sülhə təhdid yaratmasını Azərbaycan sakit qarşılaya bilməz" - DEPUTAT

Xəbər verdiyimiz kimi aprelin 5-də Brüsseldə ABŞ Dövlət katibi Antoni Blinken, Avropa Komissiyasının sədri Ursula fon der Lyayen və Ermənistanın baş naziri Nikol Paşinyanın görüşü olub. Qısamüddətli görüşdən sonra Aİ Ermənistana 292, ABŞ isə 65 milyon dollar məbləğində vəsait verəcəyini açıqladı.

Bununla bağlı Sonxeber.az-a danışan deputat Müşfiq Cəfərov bildirib ki, hazırda Cənubi Qafqazda yaşanan geopolitik qarşıdurmanın arxasında Ermənistanın xarici siyasətdəki mövqesizliyi dayanır.Tarix boyu regionda marağı olan dövlətlərin oyuncağına çevrilən Ermənistanın tutduğu bu siyasi xətt həm Xəzəryanı bölgəni, həm də Orta Asiyanı yeni geopolitik savaşın poliqonuna çevrilə bilər. Çünki Cənubi Qafqaz Xəzəryanı bölgənin və Orta Asiyanın əsas "geopolitik giriş qapısı" sayılır.

Aprelin 5-də Ermənistan baş naziri Nikol Paşinyan, Avropa Komissiyasının sədri Ursula fon der Lyayen və ABŞ dövlət katibi Entoni Blinken Brüsseldə görüşü oldu. Düşünürəm ki, bu görüş Cənubi Qafqazda siyasi tarazlığa ciddi şəkildə təsir edəcəklər. Çünki görüş birgə verilən bəyanata əsasən Aİ Ermənistana 292, ABŞ isə 65 milyon dollar məbləğində vəsait verəcəyini açıqladı. Bundan əlavə bu ölkələrin Ermənistana hərbi yardımın göstərmək planları var və bu da əlavə narahatlıq doğurur. Təbii ki, bu da özlüyündə regionda sülh quruculuğu səylərinə ciddi xələl gətirir.

Xüsusilə Ursula fon der Lyayenin simasında Avropa İttifaqının da bu prosesə qoşulması kollektiv Qərb tərəfindən Azərbaycana qarşı siyasət yürüdüldüyünü göstərir.Dünən keçirilən görüş də bunun bariz nümunəsidir. Ermənistanın regionda sülhə təhdid yaratmasını Azərbaycan sakit qarşılaya bilməz, dövlətimiz xalqımızın sabitliyini, torpaqlarımızın süverenliyini qoruyacaqdır. Bütün bu proseslərin Ermənistan və müttəfiqlərinin gözlədiyi nəticələri verəməyəcəyi şübhəsizdir".

Telegramda izləyin