"Qərb maliyyə ayırmaqla Ermənistanı Rusiyanın təsiri altından çıxarmağa çalışır" - DEPUTAT

"5 apreldə Brüsseldə keçirilən görüşdə Ermənistana Avropa ittifaqı 270 milyon dollar, ABŞ isə 65 milyon dollar vəsait verəcəyini açıqladı. Qərb bu məbləği Ermənistan dövlətinin apardığı antirusiya potensialının dəyəri kimi qiymətləndirib".

Bunu Sonxeber.az-a danışan deputat Azər Badamov bildirib.

Deputat vurğulayıb ki, ABŞ və Aİ Ermənistana maliyyə verməklə Paşinyanın hakimiyyətini möhlkəmləndirməyə çalışır. Paşinyan əvvəl də qərbdən aldığı maliyyələri xərcləyərək hakimiyyətə gətirmişdir. İndi qərb yenə maliyyə ayırmaqla Ermənistanı Rusiyanın təsiri altından çıxarmağa çalışır. Amma bu mümkün deyil. Hətta Ermənistanda ekspertlərin açıqlamalarında Rusiyanın Ermənistana verdiyi qazın qiymətini artıracağı təqdirdə, buna 350 milyon dolların kifayət etməyəcəyini bildirirlər. Bu baxımdan bu gün qərbin Paşinyana verəcəyi maliyyə dəstək özlərinin çirkin planlarını reallaşdırlması üçün veriləcək məbləğ kimi də başa düşmək olar.

Deputat vurğulayıb ki, ABŞ və Aİ Ermənistanın təhlükəsizliyinə hansısa "təminatlar" verməsi, silahlandırması, maliyyə yardımı ayırması və s. Ermənistanın danışıqlarda manipuyasiya etməsinə imkan verəcək:

"Məhz ona görə də Paşinyan gündə bir fikir bildirir, konkret bir addım ata bilmir və ölkəmizlə sülh danışıqların aparılmasını uzatmağa çalışır. Ölkələrimiz arası münasibətlərin normallaşması prosesinin uzanması Paşinyana Qərbdən yeni yardımların dilənməsi üçün imkan yaradır. Bu baxımdan Qərb Ermənistana dəstək verdikcə Cənubi Qafqazda sülh olmayacaqdır.

Son günllər şərti sərhədimizdə baş verən atəşkəsin pozulması halları da Paşinyan hakimiyyətinin Qərbdən aldığı vədlərdən ilhamlanmasının göstəricisidir. Brüssel danışıqlarında Aİ və ABŞ Paşinyanın qarşısında çox dəqiq bir plan qoymuşdur. Bu plan Rusiya hərbi bazasının çıxarılması və qərbin silahlılarını gətirilməsinə xidmət etməlidir. Bu gün Paşinyanın apardığı siyasət ancaq bu istiqamətədir. Təbii ki, bu, qərbin Ermənistanı geri dönümü olmayan bir tunelə itələməsi kimi qeyd edə bilərik. O tunelə ki, sonu görünmür və irəlilədikcə qaranlıq və zülmətdir".

Telegramda izləyin