Həbs edilmiş şəxs hansı hallarda ev dustaqlığına buraxıla bilər? - AÇIQLAMA

Ev dustaqlığı şəxsin öz evində qalmasını tələb edən məhkəmə nəzarəti tədbiridir. Bu tədbir şəxsin qaçmasının, gizlədilməsinin, dəlillərin məhv edilməsinin və ya dəyişdirilməsinin, şahidlərə, zərərçəkmişlərə və ya başqalarına təzyiq göstərmək cəhdinin qarşısını almaq üçün tətbiq edilir. Bəs barəsində qətimkan tədbiri seçilmiş şəxs hansı hallarda ev dustaqlığına buraxıla bilər?

Mövzu ilə bağlı Sonxeber.az-a danışan hüquqşünas Şamil Paşayev deyib ki, Ümumiyyətlə nəzərə almaq lazımdır ki, qətimkan tədbirinin seçilməsi üçün əsaslar olur. Burada cinayət məsələsini həyata keçirən orqandan gizlənmək, yenidən cinayət törətmək və cəmiyyət üçün təhlükə yaratmaq kimi məsələlər var:

"Əhəmiyyətli materialları gizlətmək, saxtalaşdırmaq və ibtidai istintaqın gedişində mane olmaq və məhkəmə hökmünün icra edilməsinə maneə törətmək, cinayət prosesini həyata keçirən orqanın çağırışına üzrlü səbəb olmadan gəlməmək və digər əsaslar olduqda şəxs barəsində qətimkan tədbiri seçilir. Bu qətimkan tədbiri bir sıra nümunələr daxildir. Həbs, girov, ev dustaqlığı, polisin nəzarəti altına vermə və s. Qətimkan tədbirləri var. Həbs qətimkan tədbiri seçilərsə əgər, şəxsin həbsdə saxlanılmasının və cəmiyyətdən təcrid olunmadığı qərarına gəlsə bunu ev dustaqlığı ilə əvəz etməkdə haqlıdır. Əgər şəxsin barəsində iki ildən artıq azadlıqdan məhrumetmə növündə cəza təyin edilə bilən cinayətdə ittiham olunarsa, bu halda ev dustaqlığı nəzərdə tutula bilər. Bir məsələni nəzərə almaq lazımdır ki, cinayət məsuliyyətini həyata keçirən orqandan gizlətmək, cinayət məsuliyyətində iştirak edən şəxslərə qarşı qanunsuz təsir göstərməklə materialları gizlətmək və cəmiyyət üçün təhlükə törətmək ilə bağlı xüsusi aktlar olduqda həbs yaxud ev dustaqlığı şəxsin barəsində seçilə bilər. Belə olan halda şəxsin daimi qeydiyyatının olması məhkəmə tərəfindən yoxlanılır. Əgər cinayət prosesini həyata keçirən orqan çağırışını üzrlü səbəblər olmadan gəlməmək ehtimalı yoxdursa, digər yollar ilə cinayət məsuliyyətindən boyun qaçırmaq kimi məsələlər yoxdursa şəxsin barəsində ev dustaqlığına buraxılması yaxud həbsinin ev dustaqlığı ilə əvəz edilməsi baş verə bilər".

Telegramda izləyin