Fitrə necə, nə vaxt və nə qədər çıxarılır? - İlahiyyatçı

Ramazan ayı sabah sona çatır. Aprelin 10-da isə Azərbaycanda Ramazan (Fitr) bayramının namazı qılınacaq. Bayram namazına qədər - yəni 1-2 gün əvvəl fitrə zəkatı çıxarılacaq, ehtiyacı olanlara yardım ediləcək. Bəs fitrə necə hesablanır.

Məsələ ilə ilahiyyat üzrə fəlsəfə doktoru Əhməd Niyazov Sonxeber.az-a açıqlama verib.

O məsələ aydınlıq gətirib:

"Fitrə mal ilə yerinə yetirilən ibadətdir. Fitrə - yaradılmışlıq deməkdir. Biz Allaha yaradılmışlığın şükrünü yerinə yetirmək üçün Ramazan ayında fitrə veririk. Ramazan ayına çatdığımıza şükr etmiş oluruq. Bunu el arasında baş-göz sədəqəsidə deyilir. Bu isə yaşanılmışlıq,həyatda olmaq mənasına gəlir.

Allahın bizə verdiyi ömrü yaşadığımıza şükr edirik. Fitrə o şükrü ifadə edən madii ibadətdir. Fitrə Ramazan ayına məxsusdur. Ailədə neçə nəfər varsa, hər bir insanın adına çıxarılaraq verilir. Bayram namazından əvvəl ailədə uşaq dünyaya gələrsə, onun da adına fitrə çıxarılmalıdır. Hamilə qadına isə fitrə düşmür. Çünki fitrədə nəfəs almaq, yaşanmışlıq şərti vardır.

Mədəmməd Peyğənbər (sav) zamanında fitrə xurmadan, arpadan hesablanırdı. Səhər və axşam - yəni imsaq və iftar zamanı yeyilən yeməklər ortalaması hesablanırdı. Bu zaman fitrə 3 kilo arpa, xurmada, kilo yarım isə buğdadan hesablanırdı. Bəzi alimlər fitrənin ancaq ərzaq məhsuundan verilməli olduğunu deyirlər. Əksəriyyət islam alimlərinə görə isə, bu dövrdə fitrənin əsasən maddi yəni pulla çıxarılmasıdır. Fitrənin pul ilə verilməsi daha münasibdir. Bu isə imkana görə dəyişə bilər.

Azərbaycanda Qafqaz Müsalman İdarəsi fitrə pulunu hesablanır. Bu ildə fitrənin minumum 10 manat, maksimum isə 15 manat miqdarında verilə biləcəyini bildirib. Ailədə imkanı olan şəxs fitrə verir. Fitrə bayram namazından əvvəl ehtiyacı olan şəxsə verilir. Fitrə ana, ata baba, nənə, uşaq və nəvələrə verilə bilməz. Çünki həmin şəxslərin güzaranı təmin etməli olan şəxsdir".

Telegramda izləyin