Güc və enerjini artıran qidalar hansılardır?

"Bədəndə güc və enerjini bərpa etmək üçün rasiona müəyyən qidaları daxil etmək lazımdır. Bu qidalara ispanaq, avokado və çia toxumları daxildir".

Bu barədə rusiyalı diyetoloqlar danışıblar.

İspanaq immunitet sistemini gücləndirir və orqanizmin enerji istehsalına kömək edir. Tərkibində çoxlu dəmir və zülal var, buna görə də uzun qışdan sonra bədən zəifləmişsə, mütəxəssislər ona xüsusi diqqət yetirməyi məsləhət görürlər.

Həmçinin güc çatışmazlığı olan insanın qida rasionuna avokado daxil edilməlidir. O özündə enerji və sağlamlığı dəstəkləmək üçün kalium, vitaminlər, minerallar və lif ehtiva edir.
Enerji səviyyələrini artırmağın başqa bir yolu çia toxumu yeməkdir. Onlar da uzun müddət toxluq hissini təmin etdiyi üçün arıqlamaq istəyənlər üçün ideal məhsul hesab edilir.

Mütəxəssislər, həmçinin gücü və enerjini bərpa etmək üçün səhərlər acqarına limonlu bir stəkan su içməyi və tərkibində ən azı 70% kakao olan yüksək keyfiyyətli tünd şokolad qəbul etməyi məsləhət görürlər. Bu delikatesin tərkibində maddələr mübadiləsini canlandıran və stimullaşdıran teobromin və kofein var.(oxu.az)

Telegramda izləyin

instagramda izləyin