Tavuşda keçirilən etiraz aksiyalarında yeddi Ermənistan vətəndaşı saxlanıldı - YENİLƏNİB

Tavuşda keçirilən etiraz aksiyalarında yeddi Ermənistan vətəndaşı xuliqanlıqda şübhəli bilinərək saxlanılıb.

Bu barədə Ermənistan İstintaq Komitəsi xəbər verib.

Saxlanılanlar arasında "Hayastan" fraksiyasından olan deputat Qarnik Danielyanla dalaşan M.A. da var./Oxu.az

11:29
Ermənistanın "Döyüş Qardaşlığı" təşkilatının 5 üzvü saxlanılıb.

Bu barədə təşkilatın Teleqram kanalı məlumat yayıb.

Məlumatda bildirilib ki, təşkilatın üzvləri Masis Şiroyan, Arman Petrosyan, Qor Asatryan, Henrik Mkrtçyan, Aramais Ağabekyan Noyemberyan polis bölməsinə gətirilib.

"Hökumət nəyin bahasına olursa-olsun sülhə nail olmaq üçün planını davam etdirir", – deyə qeyd edilib.

Qeyd edək ki, "Döyüş qardaşlığı" Qazaxın işğalda olan rayonlarının geri qaytarılmasına qarşı çıxan qurumdur. Bu qruplaşma faktiki olaraq muzdluların toplaşdığı terror təşkilatıdır.

Bir müddət əvvəl onlar Qazaxın işğaldakı kəndlərinə girmişdilər./Globalinfo.az

Telegramda izləyin