"Azərbaycan-Ermənistan arasında aparılan iktərəfli danışıqlar sülh müqaviləsinin imzalanma prosesini tezləşdirə bilər" - DEPUTAT

"Qazaxın 4 kəndinin Azərbaycana qaytarılması Ermənistanı silahlandırmaqla iki ölkə arasında yenidən müharibə qığılcımlarını yaratmaq istəyən qüvvələrin növbəti xain planını iflasa uğratdı".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, bir güllə belə atmadan Qazaxın 4 kəndinin sülh yolu qaytarılması Müzəffər Ali Baş Komandanın və Azərbaycan Ordusunun növbəti zəfəridir:

"Bu gün Ermənistan yaxşı bilir ki, Azərbaycan heç bir halda öz torpaqlarını güzəştə getməyəcək. Azərbaycanla müharibə etmək Ermənistanın bir ölkə kimi yer üzündən silinməsinə səbəb ola bilər. Ona görə də Ermənistan məsələləri danışıqlar yolu ilə həll etməyə üstünlük verir. Rusiya sülhməramlılarının vaxtından əvvəl Qarabağdan çıxması və Qazaxın kəndinin Azərbaycana qaytarılması cənab prezident İlham Əliyevin uğurlu diplomatiyasının nəticəsidir".

Deputat vurğulayıb ki, bu gün hər kəsi maraqlandıran sual Qazaxın 3 kəndinin və Kərkinin nə vaxt qaytarılacağıdır:

"Bu gün sülh müqaviləsinin imzalanması istiqamətində Azərbaycan-Ermənistan arasında aparılan danışıqlar uğurla davam edir. Kənar müdaxilələr olmadan Azərbaycan-Ermənistan arasında aparılan iktərəfli danışıqlar sülh müqaviləsinin imzalanma prosesini tezləşdirə bilər. Sülh müqaviləsinin imzalanmasına və
Zəngəzur dəhlizinin açılmasına maneə törədən qüvvələr öz çirkin niyyətlərinə çata bilməyəcək. Əminəm ki, tezliklə Qazaxın 3 kəndinin və Kərkinin Azərbaycana qaytarılması zəfərini də yaşayacağıq".

Telegramda izləyin

instagramda izləyin