Dünyanın ən yaxşı kameralı telefonu! Bu tarixdən ölkəmizdə SATIŞA ÇIXACAQ! - FOTOLAR

Sonuncu dəfə dünyanın ən böyük mobil texnologiya sərgisi olan Mobil Dünya Konqresi (MWC 2024) İspaniyanın Barselona şəhərində keçirildi. Əlbəttə ki, bu sərgidə özünəməxsus strategiyası ilə texnologiya həvəskarlarının diqqətini cəlb edən "Honor" texnologiya brendi oldu. MWC 2024-də əldə etdiyi uğurdan sonra, "HONOR" Avrasiya Regionu təmsilçilərinin iştirakı ilə Türkiyənin İstanbul şəhərində möhtəşəm açılış gerçəkləşdi. Türkiyə bazarına daxil olan Honor Magic 6 Pro hazırda mövcud olan ən yüksək səviyyəli smartfonlardan biri kimi diqqət çəkir.

Honor Magic 6 Pro Honor cihazları arasında peyk rabitəsini dəstəkləyən ilk telefon olaraq satışa çıxarılıb. Bu rabitə funksiyası iki istiqamətli işləyir və yalnız SMS mübadiləsinə deyil, həm də zənglərə imkan verir. Honor Magic 6 Pro-nun batareya xüsusiyyətləri də performans olaraq öz zirvəsindədir. Telefonun batareya tutumu 5600 mAh olaraq müəyyən edilib. Bundan əlavə, telefon 90 vatt simli və 66 vatt simsiz sürətli şarj dəstəyi təklif edir.
Telefonun periskop kamerası 180 meqapiksel təsvir ölçüsünə və 1/1,49 düymlük optik formatlı sensora malikdir. Bu, periskop modulunda istifadə edilən ən böyük sensorlardan biri kimi seçilir. 2,5x optik böyütmə təklif edən bu sensor 100x rəqəmsal böyütməyə də imkan verir. Periskop modulu optik görüntü sabitləşdirmə xüsusiyyətinə malikdir. Üçüncü kamera 50 meqapiksel ayırdetmə qabiliyyətinə malik ultra geniş bucaqlı obyektivlə təchiz edilib. Honor-un süni intellektlə uyğunlaşdırdığı bu telefon modeli brendin həfədlərinin ən möhtəşəm nümunəsidir. Magic 6 Pro-nun ekranına baxaraq avtomobilinizin kilidini uzaqdan açmaq və hətta hərəkət etdirmək mümkün olduğu deyilir. Smartfonda tapılan eksperimental göz izləmə texnologiyası göz hərəkətlərinizi emal edir və sizə hətta avtomobilinizi idarə etməyə imkan verir. Magic6 Pro-nun süni intellekti kamera təcrübəsini də yaxşılaşdırır. Buraya "Falcon Camera System" adlı sistemlə süni intellekt kimi funksiyalar daxildir. Telefonun son iPhone və Samsung modellərindən daha davamlı olduğu da iddia edilir. Magic Capsule və Magic Portal ilə zənginləşdirilmiş HONOR Magic6 Pro istifadəçilərə daha fərdiləşdirilmiş imkanlar təklif edir. Ekranın bannerinə sadə bir toxunuşla Magic Capsule əlavə məlumat və əlaqəli variantları təqdim etmək üçün genişlənir, istifadəçilərə vacib resurslara ani giriş imkanı verir və maksimum məhsuldarlıq üçün çoxsaylı proqramlar arasında naviqasiya ehtiyacını aradan qaldırır. Magic Portal isə istifadəçi mesajlarını və davranışlarını anlamaq üçün süni intellektin gücündən istifadə etməklə mürəkkəb tapşırıqları bir addımlı prosesə çevirir.
Telefon 6,8 düymlük əyri OLED ekrana və 1,5K təsvir ölçüsünə malikdir. Ekranın pik parlaqlığı 1600 cd/m²-ə çatır və maksimum yerli parlaqlıq səviyyəsi əvvəlki flaqman telefonların parametrlərini üstələyir. Honor Magic6 Pro süni intellekt funksiyalarını Snapdragon 8 Gen 3 prosessoru və ən son Honor MagicOS 8.0 istifadəçi interfeysi ilə birləşdirir. Telefon satışa çıxarıldığı ilk gündən Türkiyədə sınaq cihazı kimi yayılıb və bir çox istifadəçi tərəfindən sınaqdan keçirilib. Telefonun Türkiyədə qiyməti 59 min 999 TL olaraq açıqlanıb. Honor bu qiymətlə digər flaqman modelləri ilə rəqabət aparmağı hədəfləyir. Tədbirdə Honor rəsmiləri brendin inkişaf tempinin digər rəqiblərindən qat-qat yüksək olduğunu və bu templə bazardakı yerini gücləndirməyi hədəflədiyini bildiriblər. Tədbir zamanı iştirakçılara cihazın nanokristal ekran qoruması sayəsində hətta kəskin zərbələrə də davamlı olduğunu göstərən qısametrajlı film də nümayiş etdirilib. Eyni zamanda HONOR Magic6 Pro-nun Türkiyə tanıtım toplantısında peşəkar türk fotoqrafları da cihazın fotoaparat qədər yaxşı olduğunu bildiriblər.

Hər zaman olduğu kimi bu möhtəşəm tədbirdə brendin Azərbaycan nümayəndəliyi yüksək səviyyədə iştirak edib. Bu tədbirdə azərbaycanlı jurnalistlərin iştirakını təşkil etdiyi üçün Honorun Azərbaycan nümayəndəliyindən Nihal bəy və Lamiyə xanıma dərin təşəkkürlərimizi bildiririk. Tədbirin sonunda verilən məlumatlara əsasən, Azərbaycanda HONOR Magic6 Pro aprelin 26-sı satışa çıxacaq.

Telegramda izləyin