İçərisindən siçan çıxdı: Çörəklər təcili yığışdırılır

Yaponiyada istehlakçıları şoka salan hadisə baş verib. Çörəkdə siçan qalıqları aşkar edilib.

Sonxeber.az xarici mənbəyə istinadən xəbər verir ki, "Pasco Shikishima" şirkəti verdiyi açıqlamada siçan qalıqlarının dilimlənmiş çörəyə necə girdyini araşdırdıqlarını bildirib.

Bildiyimiz kimi, Yaponiya yüksək sanitariya və gigiyena standartları ilə tanınır. Şirkət, indiyə qədər dilimlənmiş ağ çörəyi istehlak edəndən sonra xəstələnən heç kəslə qarşılaşmadıqlarını deyib.

Şirkət baş vermiş hadisə ilə əlaqədar istehlakçılardan və müştərilərdən üzr istəyib. Tokioda çörəyin istehsal olunduğu fabrik hələlik fəaliyyətini dayandırıb. Məsələ ilə bağlı istintaqın başlandığı vurğulanıb.

Mövcud vəziyyətin yaşanmaması üçün tədbirlərin və idarəçilik heyətinin gücləndiriləcəyi bildirilib.

Telegramda izləyin