Saatlıq minimum əməkhaqqı, maaşlar və pensiya: Bazarlarda qiymətlər sürətlə ARTACAQ- AÇIQLAMA

Mətbuatda tez-tez maaşların və təqaüdlərin artacağı ilə bağlı xəbərlər eşidirik. Son verilən qərarlar vətəndaşlar arasında ciddi müzakirələrə səbəb olub. İyul ayından Azərbaycandasaatlıq minimum əməkhaqqına keçilməsi ilə bağlı qərar verilib. Eyni zamanda Əmək və Əhalinin Sosial Müdafiəsi Nazirliyinə noyabrın 1-də aylıq minimum əməkhaqqının artırılması ilə bağlı təkliflərin hazırlanması ilə bağlı tapşırıq verib. Paralel olaraq bazarda bahalaşma sürətlə gedir. Proseslər fonunda saatlıq minimum əməkhaqqı və artımların tətbiqi bahalaşmaya səbəb olacaq?

Mövzu ilə bağlı Sonxeber.az-a danışan iqtisadçı ekspert Natiq Cəfərli deyib ki, hazırda artım ilə bağlı heç bir rəqəmlər səsləndirilmir:

"Sadəcə olaraq müzakirələr başlayıb ki, minimum əməkhaqqının artımı olacaq və hesablama qaydaları dəyişəcək. Rəqəmlər ilə bağlı isə heç bir diskusiya olmur. Azərbaycanda çox pis ənənə var. Maaş və təqaüdlərin artımı baş verən kimi Azərbaycanda qiymətlər sürətlə artmağa başlayır. Artıq bu gözləntilərin qiymət artımına təsir etməsi fenomenindan doğur. Yəni iqtisadiyyatda belə bir qayda var. Gözləntilər qiymət artımına səbəb olacaq. Gözləntilər var ki, təqaüdlər və maaşlar artacaq. Artıq indidən qiymət artımına start verilib. Bu heç də yaxşı bir şey deyil. Bu onu göstərir ki, rəqabətli mühit ilə bağlı problemlər var. Ciddi rəqabətli mühit olsa qiymətlərin artım tempi indiki kimi ola bilməz. Rəqabətli mühitdə problemin olduğu məsələni aktuallaşdırır".

Sevda Səfərova

Telegramda izləyin