"Fransa Yeni Kaledoniyada törətdiyi vəhşilikləri ört-basdır etmək üçün məsuliyyəti Azərbaycanın üzərinə atmağa cəhd göstərir" - DEPUTAT

Xəbər verdiyimiz kimi Fransanın daxili işlər naziri Jerar Darmaninin "France-2" telekanalına müsahibəsində Azərbaycanla Yeni Kaledoniyanın müstəqillik liderləri arasında iddia edilən münasibətlərə dair növbəti əsassız fikirlər səsləndirib.

Bununla bağlı Sonxeber.az-a danışan deputat İqbal Məmmədov bildirib ki, 44 günlük Vətən müharibəsində əldə etdiyimiz möhtəşəm zəfərdən sonra Fransa rəsmiləri ölkəmizə qarşı əssasız iddalar səsləndirməyə başladı:

"Fransanın daxili işlər naziri Jerar Darmaninin "France-2" telekanalına müsahibəsində ölkəmizə qarşı və Azərbaycanla Yeni Kaledoniyanın müstəqillik liderləri arasında iddia edilən münasibətlərə dair səsləndirdiyi növbəti əsassız fikirlər bu dövlətin ölkəmizə qarşı apardığı qarayaxma kampaniyasının tərkib hissəsidir:

"Fransa tərəfinin Azərbaycana qarşı təhqiramiz ifadələri və ermənilərin kütləvi şəkildə qətlə yetirilməsi kimi qəbuledilməz ittihamlarla Azərbaycana qarşı apardığı qarayaxma kampaniyası bir daha bu ölkənin çirkin niyyətindən xəbər verir. Fransanın daxili işlər naziri Azərbaycana qarşı əssasız fikirlər səsləndirmək əvəzinə yaxşı olardı ki, ölkəsində bu cür etirazlara səbəb olan problemləri həll etsin. Azərbaycan öz ərazi bütövlüyünü və suverenliyini bərpa edib. Fransa rəsmiləri özlərini erməni kimi aparır".

Deputat vurğulayıb ki, Fransa Yeni Kaledoniyada törətdiyi vəhşilikləri ört-basdır etmək üçün toqquşmalara görə məsuliyyəti xarici qüvvələrin, o cümlədən Azərbaycanın üzərinə atmağa cəhd göstərir:

"Biz Fransanın bu əssasız ittihamlarını rədd edir, Yeni Kaledoniyada törətdiyi vəhşilikləri xatırlamağı məsləhət görürük. Fransadan fərqli olaraq Azərbaycanhər zaman separatizmə qarşı ən effektiv mübarizə ortaya qoyub. Heç kəsə sirr deyil ki, Fransa uzun müddət Cənubi Qafqazda separatizmə dəstək verib. Xüsusilə də Qarabağda 2023-cü ilə qədər separatçıların həyata keçirdiyi bir çox cinayətlərin altında Fransanın imzası var. Bu gün də Fransa müxtəlif oyunlarla yenidən regionda vəziyyəti yenidən gərginləşdirməyə çalışır. Yaxşı olar ki, Makron və onun ətrafındakılar ermənilərin deyil də ilk olaraq öz xalqının problemləri ilə məşğul olsunlar".

Telegramda izləyin