Sosial şəbəkələr vasitəsilə qurbana çevrilənlər: "Ağır cəzalar tətbiq edilsə, bu halların qarşısını almaq olar" - Açıqlama

2023-cü ildə 91 Azərbaycan vətəndaşı sosial şəbəkələr vasitəsilə insan alverinin qurbanına çevrilib. Bu, İnsan alverinə qarşı mübarizə üzrə Milli Koordinatorun illik məlumatında əksini tapıb. Hesabata əsasən, onların 38 faizi 35 yaşdan yuxarı, 7 faizi 18-25 yaş arası, 55 faizi isə 25-35 yaş aralığındakı şəxslərdən ibarətdir. Həmçinin, 24 nəfərin Bakı, 11 nəfərin Gəncə, 6 nəfərin Tovuz, 5 nəfərin isə Sumqayıt şəhər sakini olduğu müəyyənləşib. Eyni zamanda, onlardan 28-i Türkiyə, 28-i Rusiya, 15-i Birləşmiş Ərəb Əmirlikləri, 10-u Bəhreyn, 4-ü Qətər, 3-ü İran, 1-i isə İraqda cinsi istismara məruz qalıb. Qurbanlardan altısı 18-25 yaş arası, 50-si 25-35 yaşlarında, 35 nəfəri 35-dən yuxarı yaş həddində, 24-ü paytaxt, 67-si respublikanın digər şəhər və rayonlarının sakini, habelə 74-ü 2016-22-ci illərdə, 17-si isə 2023-cü ildə istismara məruz qalan şəxslər olub. Bundan başqa, 2005-23-cü illərdə 1 350 nəfər insan alveri qurbanı olub. Onlardan 1 264 nəfəri qadın, 86-sı isə kişi olub

Məsələ ilə bağlı sosioloq Mail Yaqubov Sonxeber.az-a açıqlama verib.

O bildiirb ki, Ağır cəzalar tətbiq edilsə, bu halların qarşısını almaq olar

"Sosial şəbəkələr vasitəsilə insan alverinin qurbanına çevrilib qorunmanın ən effektiv yolu odur ki, vətəndaşlar özləri məntiqli insanlar kimi düşünsünlər. Əgər onlar vətənlərini tərk edib harasa getmək istəyirlərsə, qanun bunun qarşısını almır. Hər bir insan istədiyi yerdə yaşaya bilər. Amma bu formada yox. İnsan vətəni tərk edəndə də normal şəkildə tərk etməlidir.

Kiminsə qucağında oturub, fırıldağlığa qurban olaraq yox. Heç bir insan özünə bunu yaraşdırmamalıdır. Həmin aldanan insanların düşüncəsi,ağlı, heç də həmin şəxsən çox deyil. Bəzən insanlar elə düşünür ki, kimsə bizdən daha artıqdır. Digər tərəfdən isə hüquq mühafdisə orqanlarının bu məsələdə ciddi məşğul olmalı. Maarifləndirmə işləri aparılmalıdır. Ağır cəzalar tətbiq edilsə, bu halların qarşısını almaq olar".

Telegramda izləyin