Sabiq deputat Mahir Aslanova aid olan "Kəpəz" MTK vətəndaşları belə ALDATDI- İDDİA/FOTOLAR

"Sabiq deputata Mahir Aslanovun aid olan "Kəpəz" MTK vətəndaşları aldadaraq bir mənzili bir neçə şəxsə satıb".

Bu sözləri Sonxeber.az-a müraciət edən vətəndaş Heydərov Hüseynağa deyib.

Vətəndaş bildirib ki, aldığı evlər eyni vaxtda başqa şəxsə də satılıb:

"Kəpəz" MTK-a aid olan Xırdalan şəhəri, Heydər Əliyev prospekti 596 yerləşən hündürmərtəbəli binadan 3 mənzil almışam. Bir mənzilin çıxarışı da var. Sonradan məlum olub ki, mənzillər başqalarına da satılıb. Kəpəz MTK-nın sahibi keçmiş millət vəkili Mahir Abbasovla dörd ilə yaxındır ki, məhkəmələrdə, hüquq mühafisə orqanlarında oluruq. Amma heç bir xeyri yoxdur. Nə mənzillərimizi ala bilirik, nə də bizə dəyən ziyanı. Məhkəmələr də keçmiş millət vəkili Mahir Aslanovun xeyrinə qərar qəbul edir. Ölkədə təşkilat qalmayıb ki,biz müraciət etməyək"

Vətəndaş iddia bildirib ki, "Kəpəz Group" adına olan hər şey sabiq deputata məxsusdur:

"Respublikada heç kimin gücü Mahir Aslanova çatmır. Kəpəz MTK aid Azərbaycanda nə varsa sabiq deputat Mahir Aslanovundur. "Kəpəz hospital", "Kəpəz mebel", Kəpəz Naftalan sanatoriyaları da "Kəpəz Group"a daxildir. Bundan Əlavə Mahir Aslanovun dünyanın 5 ölkəsində biznes şəbəkələri var. Amma biz pulumuzu ondan ala bilmirik. Mən bu mənzillərə 185 min pul ödəmişəm. Kəpəz MTK mənimlə birlikdə daha 6 nəfəridə bu şəkildə aldadıb".

Məsələ ilə bağlı qarşı tərəfin mövqeyini dərc etməyə hazırıq.

Telegramda izləyin