"Azərbaycan-Özbəkistan arasındakı dostluq və əməkdaşlıq yeni dövrün çağırışlarına uyğun artan templə inkişaf edir" - DEPUTAT

"Azərbaycan-Özbəkistan münasibətləri iki ölkə başçıların uzaqgörən siyasəti və qarşılıqlı dostluq münasibətləri nəticəsində artan templə inkişaf etməkdədir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, bu gün Qubada II Azərbaycan-Özbəkistan Regionlararası Forumu başlayıb.

"Forumda çox mühüm məsələlərə toxunulacaq. Azərbaycan-Özbəkistanın dövlət qurumları və özəl sektoru təmsil edən nümayəndələrin iştirak edəcəyi forumda regionlararası əməkdaşlığının müxtəlif istiqamətlər üzrə genişləndirilməsi imkanları nəzərdən keçiriləcək. Həmçinin forum da investisiya layihələri barədə təqdimatlar və Azərbaycan-Özbəkistan İşgüzar Şurasının 4-cü iclası keçiriləcək. Forum çərçivəsində ikitərəfli sənədlərin imzalanması nəzərdə tutulub. Forum da çıxış edən Azərbaycanın iqtisadiyyat naziri Mikayıl Cabbarov işğaldan azad olunan ərazilərdə tekstil sahəsində birgə iş planlaşdırılır. Bu da təbii ki, 400-dən çox yeni iş yerinin açılışı deməkdir".

Deputat vurğulayıb ki, Azərbaycan-Özbəkistan arasındakı dostluq və əməkdaşlıq yeni dövrün çağırışlarına uyğun inkişaf edir:

"Cənab prezidentinin uğurlu xarici siyasəti nəticəsində Özbəkistanın Türk dünyasıyla əlaqələrini daha da inkişafı etdirdi. Bu gün Azərbaycan-Özbəkistan münasibətləri yeni dövrün çağırışlarına uyğun inkişaf etməkdədir. Hazırda Azərbaycan-Özbəkistan arasında hərtərəfli strateji tərəfdaşlıq münasibətləri mövcuddur. Özbəkistan 30 il ərzində Ermənistanla münasibətlərində Azərbaycanın ərazi bütövlüyünü dəstəkləyib. 44 günlük Vətən müahribəsində bizi dəstəkləyən dövləıtlərdən biri də dost ölkə Özbəkistan olub. Vətən müharibəsindən sonra regionda yeni reallıq yarandı. Cənab prezident İlham Əliyevin uzaqgörən və uğurlu xarici siyasəti nəticəsində demək olar ki, bütün ölkələrlə, eləcə də Özbəkistanla münasibətlərimiz üçün əlavə potensial meydana çıxarmaqdadır. Əminəm ki, bundan Azərbaycan-Özbəkistan arasındakı əməkdaşlıq bütün sahələrdə artan temlə davam edəcək".

Telegramda izləyin