Hacı Qalib Salahzadə: "Adil Vəliyev məni təhqir edir, yüksək vəzifəli şəxslərin adını çəkir"

Hacı Qalib Salahzadə: "Adil Vəliyev məni təhqir edir, yüksək vəzifəli şəxslərin adını çəkir"Xəbər verdiyimiz kimi, Sabunçu Rayon İcra Hakimiyyətinin başçısı Adil Vəliyevin göstərişi ilə Bilgəh qəsəbəsində keçmiş deputat Hacı Qalib Salahzadəyə məxsus villanın qapısı daşla hörülüb.

Hacı Qalib Salahzadə Qaynarinfo-ya məsələ ilə bağlı açıqlama verib və baş verənləri təsdiqləyib.

O bildirib ki, həmin bağ sahəsini təxminən 20 il əvvəl Nardaran sakinindən 500 min manat ödəməklə alıb:

"Həmin adamlar bu gün də yaşayırlar. Mənə əvvəlcə o yeri satmaq istəmirdilər. Nardaran ağsaqqalları gəlib dedilər ki, həmin yer bizim ata-baba ərazimizdir və biz yeri satmırıq. Mən özüm də Bilgəhdə doğulduğum üçün onlarla razılığa gələ bildim. Halallıq alaraq, həmin ərazini sənədləşdirib, üzərində mülk tikdirmişəm. O adamların ad-soyadını da deyə bilərəm. İndi isə icra başçısı Adil Vəliyev gəlib 30 adamın içində məni təhqir edir, deyir ki, torpağı oğurlamışam-filan".

Hacı Qalib Salahzadə hazırda Bilgəhdəki bağ evi ətrafında baş verən hadisələrdə birbaşa günahkar kimi icra başçısı Adil Vəliyevi görür:

"Mən yaşıma, tutduğum mövqeyə görə hadisələrin cəmiyyət tərəfindən xəbərdar olmasını istəmirdim. Amma Adil Vəliyev artıq məni buna məcbur etdi. İcra başçısına sual verdim ki, "ərazidə bu qədər evin olmasına baxmayaraq, mənim qapımı niyə hörürsən". Sualıma cavab olaraq 30 adamın içində məni hədələdi. Dedi ki, "sənin üzərindən maşınla keçərəm". Gör Adil Vəliyev bunu kimə deyir - Hacı Qalib Salahzadəyə? Tanışlarımı bu söz-söhbətə görə geri çəkdim ki, problem çıxmasın. Onlara dedim ki, "çəkilin qırağa, mən özüm Adil Vəliyevlə danışacam. İcra başçısına sual verdim ki, sənə kim səlahiyyət verib gəlib mənim qapımı tikəsən?" Cavabında yüksək vəzifəli şəxslərin adlarını çəkdi, dedi ki, "bura məni onlar göndərib". Bu adları onlarla adamın ortasında dedi, hamı da eşitdi. Adil Vəliyev məni təxribata çəkmək istəyir. Mənim bağımın yanında onlarla ev var. Amma bircə məni fağır bilib, qapımı, hasarımı sökdürüb".

Hacı Qalib Salahzadə uzun müddətdir ki, həmin bağın satılması üçün xeyli şəxs tərəfindən çoxlu təkliflər edildiyini də bildirib:

"Ad çəkmək istəmirəm. Külli miqdarda vəsait təklif edildi ki, həmin bağı onlara satım. Amma mən təklif olunan heç bir məbləğə bağımı satmaq fikrində olmadığımı dedim. Bu gün Nardaranda, Bilgəhdə mənim bağım və evlərim mövcuddur. Həmçinin övladlarım və nəvələrim var. Onların da burada yaşamaq haqqı var. Mən bakılıyam və bu ərazi də mənim yaşam yerimdir".

Hacı Qalib Salahzadə bağ evi ətrafında baş verənləri Bilgəh qəsəbəsində bulvar salınması ilə bağlı olması fikrini də "nağıl" adlandırıb:

"Bu söhbətlər nağıldır. Bura yaşayış yeri olub və heç bir Bulvar ərazisi üçün və yaxud qeyri-yaşayış obyektləri üçün nəzərdə tutulmayıb. Həmin ərazini öz pulumla alıb, özümə məskən salmışam. Adil Vəliyevdə bunu bilir. Tək mənim torpağımla nə bulvar salınacaq? Dörd tərəfimdə qonşular var".

Qeyd edək ki, Bilgəh qəsəbəsində keçmiş deputat Hacı Qalib Salahzadəyə məxsus villanın qapısı daşla hörülüb. Keçmiş deputata məxsus villanın qapısının daşla hörülməsi Sabunçu Rayon İcra Hakimiyyətinin başçısı Adil Vəliyevin göstərişi ilə həyata keçirilib. İddialara görə, bir neçə gün əvvəl Sabunçu Rayon Mənzil Kommunal Təsərrüfat Birliyinin (MKTB) əməkdaşları əraziyə gələrək baxış keçirib. Daha sonra əraziyə bir maşın daş gətirlib və Hacı Qalib Salahzadənin villasının qapısı hörülüb.

Məsələ ilə əlaqədar ötən gün Sabunçu Rayon İcra Hakimiyyəti və Sabunçu bələdiyyəsi ilə əlaqə saxlamağa çalışsaq da, zənglərimizə cavab verən olmamışdı. Bu gün yenidən İcra Hakimiyyətinin saytında qeyd olunan nömrələrə zəng etdik, amma yenə də cavab verən olmadı.

Qeyd edək ki, Bilgəh qəsəbəsinin həmin hissəsində yalnız Hacı Qalib Salahzadənin deyil, Naxçıvan Muxtar Respublikası Ali Məclisinin keçmiş sədri Vasif Talıbovun, iş adamı İsgəndər Xəlilovun, "Azərbaycan Hava Yolları" QSC-nin keçmiş sədri Cahangir Əsgərovun, Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadənin, "AST Telman" kimi tanınan iş adamı Telman İsmayılovun, "AzNar" şirkətinin sahibi, iş adamı Fərhad Əhmədovun və başqa çoxsaylı oliqarxların da villaları var.


Sonxeber.az Telegramda izləyin instagramda izləyin
Sosial   Baxılıb: 557   Tarix: 23 may 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Keçmiş deputatın oğlu kredit borcunu ödəmir?

Keçmiş deputat Fərhad Qəribovun oğlu Rəşad Qəribova məxsus "Elz-Line LTD" MMC ilə "Debüt" Kommersiya Bankı arasında məhkəmə çəkişməsi davam edir. Qaynarinfo-nun əldə etdiyi məlumata görə, Rəşad Qəribov birinci məhkəmə instansiyasında uduzub. O, qərardan apellyasiya şikayəti verib

18 iyun
.

Türkiyə "Crocus City Hall"dan sonra Moskvada ikinci terror aktının qarşısını almağa kömək edib

Türkiyə xüsusi xidmət orqanları rusiyalı həmkarlarına xəbərdarlıq edərək, "Crocus City Hall" ticarət mərkəzinə hücumdan sonra Moskvada ikinci terror aktının qarşısını almağa kömək ediblər. -a istinadən xəbər verir ki, Bu barədə Türkiyənin hökumətyönlü "Hürriyet" qəzetinin köşə yazar

18 iyun
.

Bakıda marketdən içki və kosmetik vasitələr oğurlandı

Bakıda market qarət olunub. Daxili İşlər Nazirliyindən -a verilən məlumata görə, iyunun 12-də gecə saatlarında Q.Qarayev prospektində yerləşən marketlərin birindən 550 manat dəyərində içkilər, kosmetik vasitələr və məişət əşyaları oğurlanıb. Nizami rayon Polis İdarəsinin 24-cü Polis Şöbəsi əməkdaşlarını

17 iyun
.

Bina evlərinin isidilməsində YENİLİK

Azərbaycanda binaların elektrik enerjisi səmərəliliyinin artırılması üçün bir sıra texniki normativ sənədlər hazırlanır. -ın məlumatına görə, binalarla bağlı pasportlaşdırma, eyni zamanda enerji resurslarından səmərəli istifadəyə dair yeni planlar həyata keçiriləcək. Energetika Nazirliyinin şöbə müdir

18 iyun
.

Telefonun gec enerji yığmasının 5 SƏBƏBİ

Telefon müxtəlif səbəblərə görə gec doldurula bilər. həmin səbəblərin bir neçəsini təqdim edir: . Telefon sarj olunarkən istifadə etmək. Şarj olunan telefonu toxunmamaq məsləhətdir. Ondan istifadə edirsinizsə, təbii ki, gec enerji yığacaq. Bu vərdişdən imtina etsəniz, telefonunuzun daha sürətli doldurulduğun

17 iyun
.

Ağdamda 10 tüfəng polisə təhvil verilib

Ağdamda 10 tüfəng polisə təhvil verilib. Bu barədə -a Daxili İşlər Nairliyindən məlumat verilib. Bildirilib ki, polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirirlər. Ağdam Rayon Polis Şöbəsinin əməkdaşları tərəfindən keçirilə

17 iyun
.

Maşının yanacaq çəni partladı: Yaralanan var

Goranboyda bədbəxt hadisə baş verib. -ın məlumatına görə, hadisə rayon ərazisində qeydə alınıb. Belə ki, Etimad Mahmud oğlu Bayramov özünə məxsus olan avtomobilin yanacaq çənində qaynaq işləri aparan zaman partlayış olub. Ağır yanıq xəsarətləri alan kişi xəstəxanaya yerləşdirilib

17 iyun
.

Əkin sahələrimizə çəyirtkə hücumu təhlükəsi varmı? - RƏSMİ AÇIQLAMA

Ermənistanın şərq rayonlarını çəyirtkə basması ilə bağlı sosial şəbəkələrdə videolar yayılıb. Sözügedən ölkənin iqtisadiyyat naziri də keçirdiyi mətbuat konfransında bu çəyirtkələrin həmişəkindən daha böyük olduğunu qeyd edib. Yayılan videogörüntülər sual yaradır: görəsən, hazırda Azərbaycanda vəziyyə

18 iyun
.

Milli Qəhrəman Mübariz İbrahimovun anım günüdür

Bu gün Azərbaycanın Milli Qəhrəmanı Mübariz İbrahimovun anım günüdür. Onun şəhid olmasından 14 il ötür. Mübariz Ağakərim oğlu İbrahimov 1988-ci il fevralın 7-də Biləsuvar rayonunun Əliabad kəndində anadan olub. O, 1994-cü il şəhid M.Piriyev adına Əliabad kənd orta məktəbinin 1-ci sinfinə daxil olara

18 iyun